वन वेको गीत

फागुन १ गतेदेखि प्रदर्शनमा आउने चलचित्र 'वन वे' को शीर्षक गीत प्रिमियर गरिएको छ । उक्त गीतमा रविन तामाङको स्वर सुन्न सकिन्छ । करिश्मा मानन्धर, रविन तामाङ, माला लिम्बू तथा सिद्धार्थ गुरुङ अभिनीत यो चलचित्रको निर्देशन सुरज सुब्बा नाल्बोले गरेका हुन् ।

चलेछ बतास सुस्तरी

चलचित्र लेखक प्रदीप भारद्वाजले निर्माण गर्ने चलचित्र 'चलेछ बतास सुस्तरी' को शुक्रबार कमलादी गणेस्थानमा शुभमुहूर्त गरिएको छ । सब्बु सुवेदी तथा अनिला खड्काले निर्देशन गर्ने यो चलचित्रमा प्रमोद भारद्वाज, सुष्मा कार्की, आकाश पल, पुष्प लुइँटेल, निशा नेपाल, डेबिट शंकर, हेमन्त बुढाथोकी, बालदीप राई आदिले अभिनय गर्नेछन् ।

आजसम्म किफ

सोमबारदेखि प्रारम्भ भएको 'काठमाडौं अन्तर्राष्ट्रिय चलचित्र महोत्सव (किफ)' आज शुक्रबार सम्पन्न हुँदैछ । नेपाल फिल्म सोसाइटीले आयोजना गरेको यो महोत्सवमा नेपालसहित विभिन्न १० देशका १७ वटा चलचित्र प्रदर्शन गरिएको निर्देशक कृष्ण मल्लले जनाएका छन् । महोत्सवमा रूस तथा स्विट्जरल्यान्डका २-२, भारत, दक्षिण कोरिया, इजरायल, स्पेन, फ्रान्स, नर्वे, स्लोभाकिया तथा डेनमार्कका एक-एक चलचित्र प्रदर्शन गरिएका छन् । महोत्सवमा नेपालका 'वनफूल', 'डाक्टर खाते', 'काठमाडौं', 'पल' तथा 'भिमदत्त' प्रदर्शन हुँदैछन् ।

अभिनेताको घोषणा

अभिनेता तथा सञ्चारकर्मी श्याम अर्यालले आफ्ना छोराको जन्मदिनको अवसर पारेर नयाँ चलचित्र निर्माण गर्ने घोषणा गरेका छन् । द युगदेखि युगसम्म, आइ एम सरी, प्रोड्युसर आदि चलचित्रमा अभिनय गरेका अर्यालले आफ्नै मिजल पिक्चर प्रोडक्सनको ब्यानरमा चलचित्र निमर्ाण गर्न लागेका हुन् । उक्त चलचित्रको निर्देशन अनुप गिरिले गर्नेछन् ।