अधिकांश नवप्रवेशी चलचित्रकर्मी संलग्न नेपाली चलचित्र ‘डन्ट ब्रेक माई हार्ट’ भोली शुक्रबारदेखि देशभरि एकसाथ प्रदर्शनमा आउँदै छ । शीर्षकअनुसार नै चलचित्र प्रेमकथात्मक भएको बुझिन्छ ।

गत वर्ष नै निर्माण सम्पन्न भैसकेको यो चलचित्र गत वैशाखमा गएको भूकम्पका कारण प्रदर्शनमा आउन सकेको थिएन । निर्देशक दिनेश पौडेलका अनुसार यो चलचित्र द्वन्द्वप्रधान प्रेमकथात्मक चलचित्र हो । चलचित्रलाई द्वन्द्व निर्देशक कुमार श्रेष्ठले निर्माण गरेका हुन् । प्रेम सफल हुन नदिन गरिने प्रयास र आफ्नो प्रेम सफल पारेरै छाड्ने अठोट बोकेको जोडीको संघर्ष नै यो चलचित्रको मूल विषय हो । नयाँ कलाकारहरूले अभिनय गरेको यो चलचित्रमा कविराज गहतराजको नृत्य निर्देशन, महेन्द्र थापाको छायांकन एवं कुमार श्रेष्ठको द्वन्द्व निर्देशन छ ।  

निर्देशक : दिनेश पौडेल

संगीतकार : ओम सुनार 

कलाकार : माधव केसी, कविता श्रेष्ठ, ईशा गौतम, आकाश आचार्य, कल्पना पाण्डे आदि । 

चलचित्र ‘डन्ट ब्रेक माई हार्ट’को ट्रेलर