गायिका तारादेवीको चर्चित ‘साँगुरी पारी नि हौ, त्यो धारापानी’ बोलको गीतको उद्गम स्थान धारापानी गाउँका स्थानीय शनिबार अनौठो मान्दै दृश्य नियाल्दै थिए । उक्त गाउँमा एकै दिन ३ सयभन्दा बढीले पैदलयात्रा (हाइकिङ) गरेका छन् ।

छोटो आयु बोकेका गीतले क्षणिक सन्तोष दिए पनि तिनको दीर्घकालीन उचाइ नहुने मनीषा बताउँछिन् । नेपाली गीतको मौलिकतालाई सुगम संगीत तथा लोकलयले मात्र न्याय गर्ने उनको तर्क छ । चलचित्रका सुगम संगीत पनि दीर्घायु हुने उनको दाबी छ । तानपुरा र हार्माेनियममा दैनिक दुई/अढाई घण्टा रियाज गर्ने पोखरेल शास्त्रीय संगीतमा भिजेर मात्र गीत गाउन सकिने कुरा बताउँछिन् । 

असारमा पनि भुइँकुहिरोका कारण त्यहाँको परिवेश चिसो थियो । भोजपुरको दक्षिणी क्षेत्र घोरेटार हतुवागढीस्थित फलामढुंगाको चिसो मौसमलाई त्यहाँ प्रस्तुत गरिएका गीत, नृत्य तथा साहित्यिक जमघटले खुबै तताए । 

प्रशासनले रोक लगाएपछि संखुवासभा र तेह्रथुमको संगमस्थल गुफा पोखरी क्षेत्रमा तय गरिएको अन्तर्राष्ट्रिय कलाकार सम्मिलित म्युजिक फेस्टिभल अन्तिम समयमा स्थगित भएको छ । प्रशासनले म्युजिक फेस्टिभल ट्रान्स पार्टी भएको जनाऊँदै त्यसमा रोक लगाएको हो, तर मुख्य कार्यक्रम आयोजक शत्तिपिक म्युजिक फेस्टिभलका पदाधिकारीहरूले उक्त समारोह ट्रान्स पार्टी नभएको दाबी गरेका छन् ।

बहुप्रतीक्षित चलचित्र ‘जीवन काँडा कि फूल’ मुलुकभर एकसाथ प्रदर्शन हुने खबरले झमक घिमिरे उत्साहित छिन् । घिमिरेले आफ्नो लिखित प्रतिक्रियामा भनिन्, ‘आफ्नै जीवनीमा आधारित चलचित्र केही समयको प्रतीक्षापछि मुलुकभर एकै समयमा प्रदर्शन हुन लागेकोमा खुसी लागेको छ ।’ 

घोटिएर पढ्नुभन्दा पनि शिक्षकले देखाएको बाटोमा हिँडियो भने सफलता पाइने रहेछ, एसईईको परिणामको अनुभव सुनाउँदै उनले भनिन्, ‘घरमा अलिकति मात्र पढ्ने वातावरण बनाए पुग्ने रहेछ । शिक्षकको गाइड, साथीभाइको संगत, पारिवारिक वातावरण एवं आफ्नो मेहनत सफलताका कारण हुन् ।’

धनकुटाको महालक्ष्मी नगरपालिका जिल्लाकै कान्छो नगरपालिकामा जिल्लाका अन्य नगरका मेयरभन्दा कान्छो उमेरका मेयर निर्वाचित भएका छन् ३८ वर्षीय पर्शुराम नेपाल । अनेरास्ववियुको राजनीतिपछि पार्टीमा सक्रिय नेपाल मानवअधिकार तथा सामाजिक संघसंस्थाका जिम्मेवार तहमा रहेर काम गरेको अनुभव समेत छ ।

चाहे राणाकाल होस् वा त्यसभन्दा पछिको राजनैतिक अवस्था होस्, सबै कालमा प्रशासनिक गौंडाका रूपमा रहेको सुन्दर पहाडकी रानीको उपमा पाएको धनकुटामा पनि यतिबेला चुनावी सरगर्मी छ ।

दोस्रो चरणको निर्वाचनको मिति नजिकिँदै जाँदा राजनैतिक दलहरूबीच मतदाता आकर्षित गर्ने विभिन्न शैली पनि देखापपिररहेका छन् । केन्द्रीय नेता ल्याएर जुलुस–नाराको प्रतिस्पर्धा गर्नेदेखि सामाजिक सञ्जालमार्फत मत माग्ने क्रम अहिले ह्वात्तै बढेको छ ।

पूर्वाञ्चल डान्सिङ सुपरस्टार प्रतियोगितामा संखुवासभाकी पवित्रा तामाङले पहिलो स्थान हात पारेकी छिन् । यो प्रतियोगितामा वरिष्ठ कलाकार मिथिला शर्मा मुख्य निर्णायक थिइन् ।

पछिल्लो केही समय सुस्ताएको धनकुटाको नाम्जे गाउँमा अहिले पर्यटकीय चहलपहल पुन: प्रारम्भ भएको छ । तीन वर्षअघि सीएनएनले विश्वकै उत्कृष्ट गन्तव्यको सूचीमा समावेश गरेपछि उक्त गाउँ एकाएक चर्चामा आएको थियो ।

धनकुटामा रेडियो नेपालले प्रतियोगितात्मक आधुनिक गीत सम्मेलनको पूर्वाञ्चल छनौट सम्पन्न गरेको छ ।