म अझै भर्जिन छु।

अझै भर्जिन छु।

पुस २६, २०७०

म अझै भर्जिन छु।

     - जिया केसी, नायिका

सोर्‍है आना सत्य ! हामीले त पत्यायौं।

संविधान बनाउने हो भने दलहरूको कार्यशैलीमा परिवर्तन हुनुपर्छ।

     - महेश आचार्य, नेता

नेताहरूको कार्यशैली परिवर्तन भए पो दलको कार्यशैली परिवर्तन होला।

गोलमेच सम्मेलन गर्न तयार छौँ ।

     - अर्जुननरसिंह केसी, नेता

अरू के-के गर्न तयार हुनुहुन्छ ? त्यो पनि भनिदिए वैद्य बालाई सजिलो हुने थियो।

 बाबुरामजी भएको पद पनि त्याग्नुहुन्छ, नयाँ पद पनि खोज्नुहुन्न।

     - पुष्पकमल दाहाल, प्रचण्ड

त्यसैले त बेला न कुबेला रडाको मच्चाइरहनुहुन्छ।

'छ एकान छ’ हेर्नेले 'बितेका पल’ पनि हेर्नेछन्।  

     - दीपकराज गिरी, हास्य अभिनेता

अरूले नहेरे पनि तपाईंले हेरिदिनु होला कल्याण हुनेछ !

सहमतिका लागि तयार छौं।

     - मोहन वैद्य किरण, नेता

अरू पनि तयार हुनुपर्‍यो नि !

नेपाली चलचित्र क्षेत्रमा 'गोल्डन एरा’ सुरु हुँदैछ।

     - निशा अधिकारी, नायिका

'डार्क एरा' का कलाकारले गर्ने कल्पना यस्तै त हो।

नेपालका कम्युनिस्ट पार्टीहरू सिद्धान्तप्रति प्रतिबद्ध छैनन्।

     - प्रा.डा.सुरेन्द्र केसी, राजनीतिक विश्लेषक

त्यसो भए कुनचाहिं सिद्धान्तप्रति प्रतिबद्ध छन् त !

म माओवादी होइन।

     - रेखा थापा, नायिका

बल्ल थाहा पाउनुभयो ?

हेलिकप्टर चार्टर्ड गरिदिनेका अगाडि हामी फिक्का भएछौं।

     - रामकुमारी झाँक्री, नेतृ

त्योभन्दा अघिचाहिं कति गाढा हुनुहुन्थ्यो र !

प्रकाशित :पुस २६, २०७०

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्