आस्था पोखरेलको अर्को उपलब्धि

आस्था पोखरेलको अर्को उपलब्धि

माघ २३, २०७१

केही समयअघि मात्र किङफिसर सुपरमोडल्स टु विजेता भएर चर्चित किङफिसर क्यालेन्डर-२०१५ को समेटिने सफल नेपाली सुपर मोडल आस्था पोखरेल अर्को सफलताको बाटोमा अग्रसर छिन् । आस्था अहिले टाइम्स मोस्ट डिजाइरेबल वुमन अफ-२०१४ को सूचीको टप फिफ्टीभित्र रहन सफल भएकी छिन् । उनलाई यो सूचीमा नवप्रवेशीका रूपमा प्रवेश दिइएको छ । टप फिफ्टीबाट अनलाइन मत सर्वेक्षणका आधारमा टप टेनलाई सर्टलिष्ट गरिनेछ, जसका लागि अनलाइन भोट गरेर आस्थालाई टप टेनभित्र मनोनीत गर्न सकिन्छ ।

भोटरले आफ्नो टप टेन चयन गर्नुपर्ने प्रावधान छ । आस्थालाई टाइम्स मोस्ट डिजाइरेबल वुमन-२०१४ को टप टेन भित्र पार्न तथा भोटिङ प्रक्रियाका सम्बन्धमा बुझ्न http://ww.itimes.com/times-polls/times-most-desirable-women-2014  मा लग-इन गर्न सकिन्छ । टाइम्सले सार्वजनिक गरेको टप फिफ्टीको सूचीमा आस्थासहित नेपाली मूलकी भारतीय अभिनेत्री गीताञ्जली थापा पनि छिन् । टाइम्स मोस्ट डिजाइरेबल वुमन-२०१३ की विजेता अभिनेत्री दीपिका पादुकोणसहित टप फिफ्टीभित्र सोनम कपुर, सनी लियोन, कटि्रना कैफ, श्रद्धा कपूर, अनुष्का शर्मा, आलिया भट्ट, प्रियंका चोपडा, सर्लिन चोपडा आदि बलिउड अभिनेत्रीसमेत छन् ।

प्रकाशित :माघ २३, २०७१

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्