साप्ताहिक संवाददाता
- वसन्त विवस
किशोर केसीजी, सलाम छ तपाईंलाई । (पहिलोपल्ट जहाज उडाउँछु भन्दा पनि मानिसले गिज्याएका थिए, फागुन २९) अरूले के भन्छन् भन्दा पनि आफूले के गरिरहेको छु त्यसैमा विश्वास राख्नुहोस् । सफलता तपाईंको पछिपछि दौडिएर आउँछ । केही गर्न नसक्नेहरूले मात्र अरूको कुरा काट्छन् ।
- दुर्गा खनाल, गौरादह, झापा
सन् २०१४ को दोस्रो स्टेपमा नेपालले ओमानसँग नभएर जोर्डनसँग खेलेको थियो । (उत्साहित तुल्याउने दुई जित, फागुन २९) अनि गोल पनि सुजलले गरेका थिए ।
- प्रनिस प्रधान, धरान
सिस्नुपानीका अग्र्यानिक चुट्किला रमाइलो लाग्यो । (सिस्नुपानीका अग्र्यानिक चुट्किलाहरू, फागुन २९) मलाई त सिस्नुपानीसँगै यात्रा गरेजस्तो भयो ।
- कुसुम शर्मा, धरान
करुणा कुँवरजीको सल्लाह राम्रो लाग्यो । (यौन मनोविज्ञान : अहिले पनि उक्त घटना सम्झेर ग्लानि हुन्छ, फागुन २९) म यसमा सहमत छु ।
- कुमार मिश्र, दीपक सुवेदी
एन्जिला चौहानको भनाइ चित्त बुझ्यो । (परिपक्व एन्जिला, फागुन २९) मन मिल्यो भने सबैथोक हुन्छ, कसैले छेक्न सक्दैन ।
- अनिसा सानु
गायिका निशा देशारलाई प्रेम गीतले नै चिनाएको हो । अझ उनको चिनारी 'तिम्रो मेरो सम्बन्धको चर्चा चल्छ चल्न देऊ' बाटै चुलिएको हो ।
- गौतम सापकोटा
शाहरूख खान नेपाल आउँदा किन यत्रो हल्लीखल्ली ? (शाहरूखका साढे ७ घण्टा, फागुन २९) नेपाली कलाकारहरूप्रति किन यस्तो क्रेज देखिँदैन ? हामी आफैं विदेशीहरूलाई किन यति प्राथमिकता दिन्छौं ?
- जितेन लिम्बू
१ अर्ब डलरको साइबर डकैती ? (१ अर्ब डलरको साइबर डकैती, फागुन २९) ठूलै आपराधिक घटना पो भएछ ।
- उत्तम श्रेष्ठ