साप्ताहिक संवाददाता
पुस २६, २०७५
नेपाल आइडल सिजन–१ मा गायक रामकृष्ण ढकालले आइडलकी प्रतिस्पर्धी मेनुका पौडेलसँग युगल गीत गाउने वाचा गरेका थिए । सेलिब्रिटी गेष्टका रुपमा पुगेका ढकालले गरेको उक्त वाचा अनुसार मेनुकासँग गीत गाएका छन् ।
‘वेदको अक्षर...’ बोलको गीतमा ढकाल र पौडेलको स्वर छ । बिबि थापाको शब्द रहेको गीतमा संगीत दीपक सिलवालले गरेका छन् । गीतको लिरिकल भिडियो समेत तयार भएको छ ।
मेनुका नेपाल आइडलमा टप ११ सम्म पुगेकी थिइन् भने भारतको सिङगिङ रियालिटी शो ‘सारेगमप’ मा पनि उत्कृष्ट ११ सम्मको यात्रा तय गरेकी थिइन् ।
गीतको लिरिकल भिडियो :