![](http://saptahik-jcss-cdn.ekantipur.com/img/icon/android-chrome-512x512.png)
साप्ताहिक संवाददाता
![सारेगमपा लिटल च्याम्पको फाइनलमा आयुष र प्रितम सारेगमपा लिटल च्याम्पको फाइनलमा आयुष र प्रितम](http://saptahik-assets-api.ekantipur.com/thumb.php?src=http://saptahik-assets-cdn.ekantipur.com/uploads/source/news/2019/entertainment/Pritama-Aayush-04062019092120.jpg&w=1200&height=800)
भारतीय टेलिभिजन जी टिभीको बाल गायन रियालिटी शो ‘सारेगमपा लिटल च्याम्प्स’ को २०१९ संस्करणमा सहभागी नेपाली बाल प्रतिभा आयुष केसी र प्रितम आचार्य फाइनल (उत्कृष्ठ छ जना)मा पर्न सफल भएका छन् ।
उत्कृष्ठ ९ जनाका अन्य सहभागीलाई उछिन्दै केसी र आचार्य दुबै फाइनलमा पुगेका हुन् । उनीहरुसँगै आस्था दास, अनुष्का पात्र, मोहम्मद फैज र सुगन्धा दतेले फाइनलमा स्थान पक्का गरेका छन् । फाइनल नतिजा आगामी शनिबारको पर्फर्मेन्स बाट निर्धारण हुने जीटीभीले जनाएको छ ।
प्रतियोगितामा भारतभरिका कुल २० हजारभन्दा बढि बाल प्रतिभा सहभागी थिए । सेमीफाइनलको प्रस्तुतीमा प्रितमले सलमान खान र ऐश्वर्या राय अभिनित चलचित्र ‘हम दिल दे चुके सनम’ बाट इस्माइल दरबार को संगीत र केकेको स्वर रहेको ‘तडप तडप के इस दिलमे’ गीत गाएका थिए । आयुष ले ‘क्रिमिनल’ चलचित्रको कुमार सानुले गाएको ‘तुम मिले दील खिले’ गीत गाएका थिए ।
सारेगमपाले पहिलो चरणमा सुरशाला म्यूजिक एकेडेमी मार्फत भिडियोबाट अडिसन लिएको थियो । सुरशाला म्यूजिक एकेडेमीका कार्यकारी अध्यक्ष तथा गायक अमृत क्षेत्रीका अनुसार ३ वटा भिडियो पठाइसकेपछि उनीहरुलाई सिधै ‘लेभल टू’ को लागि दिल्ली बोलाइएको थियो ।
दिल्लीमा अडिसन दिन आयुष र प्रितम सागै अरु ८ जना नेपाली बालबालिका पनि गएका थिए । ‘लेभल टु’मा सेलेक्ट भएका आयुष र प्रितम स्टुडियो राउन्डको लागि मुम्बई गएका थिए । त्यसपछी ‘कलिङ्ग राउण्ड’ अनि ‘मेगा अडिसन’राउन्ड हुादै उनीहरु टप ११, टप ९ (सेमिफाइनल) हुँदै फाइनल सम्मको यात्रा तय गरेका हुन् ।
नेपालमै दुई वर्ष अगाडि कान्तिपुर टेलिभिजनबाट प्रशारण भएको पहिलो राष्ट्रव्यापी बालगायन प्रतियोगिता सुरशाला जुनियर आइडल पहिलो संस्करणमा फाइनलिस्ट मध्ये एक हुन् आयुष । उनले पााच वर्षदेखि संगीत सिक्दै आएका छन् । आयुषलाई सुरशाला म्यूजिक एकेडेमीमा गायक तथा संगीतकार अमृत क्षेत्रीले संगीत सिकाएका हुन् ।
प्रितम पहिलो राष्ट्रव्यापी बालगायन प्रतियोगिता सुरशाला जुनियर आइडल पहिलो संस्करणमा फाइनलिस्ट मध्येका एक हुन् । सुनसरीका उनी छ महिनादेखी मुम्बईमा छन् ।