दार्‍ही–जुँगा पालेको केटा मन पर्छ कि नपालेको ? 

- साप्ताहिक संवाददाता

श्रावण २२, २०७६

मलाई दार्‍हीजुँगा पालेको केटा मन पर्छ । केटाहरूलाई दार्‍हीजुँगा पालेको सुहाउँछ र दार्‍हीजुँगामा उनीहरू भलादमी पनि देखिन्छन्, तर धेरै पालेको भने मन पर्दैन । 

मनीषा सापकोटा, मोडल

केटा मान्छेका लागि दार्‍हीजुँगा त गहना नै हो भनिन्छ । त्यसैले पनि मलाई केटाहरूले हल्का दार्‍हीजुँगा पालेको मन पर्छ ।

राधिका हमाल, गायिका

मलाई त दुवै ठीक लाग्छ । मंगोलियन केटाहरूको दार्‍हीजुँगा नै आउँदैन, उनीहरू बिना दार्‍हीजुँगा पनि राम्रा देखिन्छन्, त्यस्तै आर्यनहरू दार्‍हीजुँगा पाल्दा पनि राम्रा देखिन्छन् । 

उषाकिरण नेपाल, मोडल

महिलालाई सारी, पुरुषलाई दार्‍ही भन्छन् नि । त्यसैले मलाई पनि हल्का पालेको त राम्रै लाग्छ । धेरै र लामो दार्‍हीजुँगाचाहिँ फोहोरी लाग्छ । 

सुशीला गौतम, गायिका

अलि–अलि पालेको मन पर्छ, तर धेरै पालेको मन पर्दैन । अनुहारलाई सुहाउँदो, ठिक्कको राम्रो हुन्छ ।

सृष्टि खड्का, मोडल

मलाई त दाह्रीजुँगा पालेको भन्दा नपालेकै केटाहरू मन पर्छन् । 

पूजा शर्मा, अभिनेत्री

मन पर्दैन, मलाई केटाहरूले दार्‍हीजुँगा काटेर चट्ट परेर हिँडेको नै ठीक लाग्छ । 

कला लम्साल, गायिका

हुन त सबैको आ–आफ्नै च्वाइस हुन्छ । मलाई भने दार्‍हीजुँगा नपालेका केटाहरू नै मन पर्छन्, किनभने दार्‍ही नपाल्नेहरू स्मार्ट देखिन्छन् ।

जाङमु इन शेर्पा, मोडल

मलाई त दार्‍हीजुँगा पाल्ने केटाहरू एकदम मन पर्छन् । दार्‍हीजुँगा पाल्नेहरू मर्दजस्ता लाग्छन् । 

नीता ढुंगाना, अभिनेत्री

अनुहारलाई सुहाउँदो दार्‍ही पालेको मन पर्छ । दार्‍हीजुँगाको केसमा मलाई आफ्नो अनुहारको बनावटलाई विचार गरेर क्लिन सेभ गर्ने केटाहरू पनि ठीकै लाग्छन् । 

शिवानी भट्टराई, मोडल/भिजे

मलाई ठिक्कको दार्‍हीजुँगा पाल्ने केटाहरू मन पर्छन्, तर धेरै झपक्क नमिलाई पालेको चाहिँ मन पर्दैन । दार्‍हीजुँगा पाल्ने केटाहरू सुन्दर तथा आकर्षक लाग्छन् । 

समृद्धि पौडेल, मोडल

मलाई त दार्‍हीजुँगा नपालेकै ठीक लाग्छ । चुस्स दार्‍हीजुँगा पालेको मान्छे त फोहोरी र रोगी लाग्छ । 

सिन्धु मल्ल, गायिका

अनुहारको बनावट र जीउडालअनुसार सुहाउँदो दार्‍हीजुँगा पालेका व्यक्तिहरू आकर्षक नै देखिन्छन् । दार्‍हीजुँगा कसैलाई सुहाउँछ भने कसैलाई साह्रै फोहोरी पनि देखिन्छ । मलाई भने दार्‍हीजुँगा चट्ट मिलाएर हिँड्ने छोरा मान्छेहरू राम्रा लाग्छन् तर कसैलाई भने चिल्लो गालामै राम्रो देखिन्छ । 

नीलम ढुंगाना, नृत्यांगना

आजकल दार्‍हीजुँगा पाल्ने त ट्रेन्ड नै छ । मलाई पनि दार्‍हीजुँगा पाल्ने केटा मान्छे नै मन पर्छन् । दार्‍हीजुँगामा केटा मान्छे मर्दजस्तो र जिम्मेवार देखिन्छन् तर बेलाबेला दार्‍हीजुँगा काँटछाँट भने गरिरहनुपर्छ ।

शिल्पा घले, मोडल

त्यस्तो धेरै होइन, ठिक्क दार्‍ही पालेको मन पर्छ, किनभने यस्तो दार्‍हीमा केटाहरू असाध्यै स्मार्ट र क्युट देखिन्छन् ।

अनु शाह, अभिनेत्री

दार्‍हीजुँगा पाल्नेहरू नै मन पर्छन् । दार्‍हीजुँगा पालेको केटा मर्दजस्तो जस्तो लाग्छ । 

जेविका कार्की, अभिनेत्री 

एकछिन त सोच्नै बाध्य भएँ । मलाई दुवै मन पर्छ । अर्को कुरा, दार्‍हीजुँगा हुनु–नुहुनु बाहिरी आकर्षण मात्र हो, मचाहिँ बाहिरी आकर्षकभन्दा पनि बौद्धिक खालका केटाहरूबाट आकर्षित हुन्छु । 

कृष्टिना गुरुङ, अभिनेत्री 

मान्छे हेरेर हुन्छ । कसैलाई दार्‍हीजुँगा सुहाउँछ भने कसैलाई सुहाउँदैन । टिनएजका केटाहरूले पालेको देख्दा, यो के बिजोग गरेको होला जस्तो लाग्छ । किनभने स्कुल–कलेज जाने उमेरमा अनुहार सफा देखिँदैन । अर्को जोगीले जस्तो पालेको पनि मन पर्दैन, फोहोरी लाग्छ । यद्यपि कसैले आफ्नो अनुहारको आकारअनुसार मिलाएर सफा राखेको छ भने मन पनि पर्छ । 

जाहन्वी बस्नेत, अभिनेत्री 

दार्‍हीजुँगा नपालेका केटाहरूको अनुहार सफा देखिन्छ, त्यसैले मलाई दार्‍हीजुँगा पालेको मन पर्दैन । 

शान्तिश्री परियार, गायिका 

प्रकाशित :श्रावण २२, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्