ग्ल्यामरको अर्थ अंग प्रदर्शन होइन

- साप्ताहिक संवाददाता

आश्विन ९, २०७६

अभिनेत्री आयुष्मा कार्कीका लागि चलचित्र नयाँ क्षेत्र हो । म्युजिक भिडियोमा अभिनय गरेपश्चात् उनी चलचित्र ‘प्रेम संसार’मार्फत रजतपटमा ‘डेब्यु’ गर्दैछिन् । चलचित्र ‘प्रेम संसार’ आगामी मंसिर १३ गते प्रदर्शनमा आउँदैछ । 

चलचित्रको पहिलो अनुभव कस्तो रह्यो ?

एकदमै राम्रो । धेरै कुरा सिक्न पाइयो । म म्युजिक भिडियो पृष्ठभूमिबाट आएकाले चलचित्र भिडियोको तुलनामा फरक रहेछ भन्ने अनुभूति भयो ।

‘प्रेम संसार’बाटै किन डेब्यु ?

स्क्रिप्ट मन पर्‍यो । यो चलचित्रमा अन्तरजातीय प्रेमकथा प्रस्तुत गरिएको छ । मेरो क्यारेक्टर निकै शक्तिशाली छ । 

यो चलचित्रसँग कसरी जोडिनुभयो ?

चलचित्रको सुटिङ अघि कलाकार छनौटका लागि अडिसन भएको थियो । त्यही अडिसनमा पास भएर म यो चलचित्रसँग जोडिएँ ।

चलचित्रमा चुनौती कति छ ?

धेरै नै छ । मेरो त यो पहिलो चलचित्र हो । पहिलो चलचित्रमा चुनौतीभन्दा पनि डर धेरै हुँदो रहेछ । अहिले चलचित्रको काम सकिए पनि दर्शकबाट कस्तो प्रतिक्रिया आउँछ भन्ने कुराले डर बढाएको छ ।

चलचित्रमा कस्तो चरित्रमा काम गर्न रुचाउँनुहुन्छ ?

मलाई साधारण किसिमको गाउँले चरित्र मन पर्छ । म गाउँमै जन्मी–हुर्की बढेकाले गाउँले परिवेश नै मन पर्छ । 

ग्ल्यामरस चरित्र मन पर्दैन ?

मन पर्छ, तर ग्ल्यामर भन्दैमा अंग प्रदर्शन गर्ने खालको होइन । ग्ल्यामरको अर्थ अंग प्रदर्शन होइन । कथाले माग्दैमा नांगिनै पर्छ भन्ने पनि छैन ।

तपाईंलाई कस्ता चलचित्र मन पर्छन् ?

मलाई त प्रेमकथात्मक चलचित्र नै मन पर्छन् । 

चलचित्रमा नआएको भए ?

बैंकिङ क्षेत्रमा हुन्थें । म अहिले बानेश्वर क्याम्पसमा व्यवस्थापन विषयमा अध्ययनरत छु । त्यसकारण पनि बैंकमै जागिर खान्थें ।

प्रकाशित :आश्विन ९, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्