जुनेली रातमा पुस्करलाई सम्झिदै अस्मिता

- साप्ताहिक संवाददाता

आश्विन १०, २०७६

नेपाल आइडलको दोस्रो सिजनबाट उदाएकी गायिका हुन्– अस्मिता अधिकारी ।  अस्मिताको क्रेज नेपाली सांगीतिक बजारमा निक्कै लोभलाग्दो छ । नेपाल आईडलको यात्रा पनि उनी निरन्तर रुपमा गायनमा देखिएकै छिन् । यसै साता अस्मिताको स्वरमा एक नयाँ गजल सार्वजनिक भएको छ । 

‘त्यो जुनेली रात’ बोलको सार्वजनिक गजलमा सुरेश वाग्लेको शब्द तथा अर्जुन पोख्रेलको संगीत सुन्न सकिन्छ । सार्वजनिक गजलमा गोपाल रसाईलीको संगीत संयोजन रहेको छ ।

गजलको म्यूजिक भिडियोमा पनि गायिका अस्मिता अधिकारीलाई देख्न सकिन्छ । अस्मिताले गायनमा जस्तै अभिनयमा पनि न्याय गरेकी छिन् । अभिनयमा अस्मितालाई यस म्यूजिक भिडियोमा पुस्कर कार्कीले साथ दिएका छन् । 

निकेश खड्काले निर्देशन गरेको म्यूजिक भिडियोमा बुद्ध थापाको क्यामेरा तथा विकास धमलाको सम्पादन रहेको छ ।

गजलको म्यूजिक भिडियो :

 

प्रकाशित :आश्विन १०, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्