साग: विगतदेखि वर्तमानसम्म

- साप्ताहिक संवाददाता

मंसिर १४, २०७६

पहिलो साफ गेम

नेपालले सन् १९८४ मा पहिलो साफ गेम काठमाडौंमा आयोजना गर्‍यो । उक्त प्रतियोगिता सेप्टेम्बर १७ देखि २३ तारिखसम्म सञ्चालन गरिएको थियो, जसमा एथलेटिक्स, बक्सिङ, फुटबल, पौडी र भारोत्तोलन खेललाई स्थान दिइएको थियो । यो प्रतियोगितामा भारतले ४४ स्वर्ण, २ रजत, १६ कांस्य पदकसहित कुल ८८ पदक जितेर पहिलो स्थान हासिल गरेको थियो । आयोजक नेपालले ४ स्वर्ण, १२ रजत, ८ कांस्यसहित कुल २४ पदक जितेर पदक तालिकामा चौथो स्थान हासिल गरेको थियो ।

स्थान    देश      स्वर्ण     रजत     कांस्य     कुल

१      भारत      ४४        २८        १६        ८८

२     श्रीलंका     ७        ११          १९       ३७

३    पाकिस्तान    ५     ३             २         १०

४    नेपाल           ४     १२            ८     २४

५    बंगलादेश     २       ८            १३     २३

६    भुटान           ०      ०              २       २

७    माल्दिभ्स     ०    ०                    १     १

जम्मा    ७ देश     ६२    ६२    ६१    १८५

दोस्रो साफ गेम

सन् १९८५ मा बंगलादेशको ढाकामा दोस्रो साफ गेम आयोजना भयो । डिसेम्बर २० देखि २७ सम्म सञ्चालन भएको उक्त गेममा ७ किसिमका खेल भएको थियो, जसमा एथलेटिक्स, बक्सिङ, फुटबल, पौडी, भारोत्तोलन, कबड्डी तथा रेस्लिङ थियो । कबड्डी र रेस्लिङ दोस्रो साफमा थपिएका खेलहरू थिए । दोस्रो साफमा पनि पहिलो वर्षको जस्तै भारत विजेता बन्यो । भारतले ६१ स्वर्ण, ३२ रजत, १४ कांस्य गरी १ सय ७ वटा पदक जितेको थियो । यो प्रतियोगितामा आयोजक बंगलादेश कुल ६४ वटा पदक जितेर तेस्रो बन्यो । नेपाल १ स्वर्ण, ९ रजत तथा २२ कांस्य पदक जितेर पाँचौं भएको थियो ।

स्थान    देश      स्वर्ण     रजत     कांस्य     कुल

१           भारत     ६१      ३२        १४        १०७

२      पाकिस्तान   २१      २६         १२       ५९

३    बंगलादेश        ९      १७           ३८    ६४

४    श्रीलंबका          २      ७             ९    १८

५    नेपाल             १        ९           २२    ३२

६    भुटान               ०       ०           ४      ४

७    माल्दिभ्स          ०        ०              ०    ०

जम्मा    ७ देश    ९४    ९१    ९९    २८४

 

तेस्रो साफ गेम

भारतले तेस्रो साफ गेम सन् १९८७ मा कोलकातामा आयोजना गर्‍यो । नोभेम्बर २० देखि २७ सम्म भएको प्रतियोगितामा १० प्रकारका खेल आयोजना भएको थियो । उक्त प्रतियोगितामा एथलेटिक्स, बक्सिङ, फुटबल, पौडी, भारोत्तोलन, कबड्डी, रेस्लिङ, जस्ता पुराना खेलहरू दोहोरिएका थिए भने भलिबल, बास्केटबल तथा टेबल टेनिस गरी ३ वटा नयाँ खेलले पहिलो सहभागिता जनाएका थिए । तेस्रो साफमा पनि भारतले आफ्नो पहिलेदेखिको दबदबा कायम नै राख्यो । भारतले यो प्रतियोगितामा ४३ प्रतिशत पदक आफ्नो घरमा राख्यो, जसमा ९१ स्वर्ण, ४५ रजत तथा १९ कांस्य गरी कुल १ सय ५५ पदक जितेको थियो । तेस्रो साफमा पनि नेपाल पाँचौं स्थानमा रह्यो । नेपालले यो प्रतियोगितामा २ स्वर्ण, ७ रजत तथा ३३ कांस्य गरी कुल ४२ वटा पदक जितेको थियो ।

स्थान    देश      स्वर्ण     रजत     कांस्य     कुल

१       भारत      ९१        ४५          १९      १५५

२     पाकिस्तान   १६       ३९            १४    ६९

३    श्रीलंका        ४           ७            २३    ३४

४    बंगलादेश     ३          २०            ३१    ५४

५    नेपाल          २          ७             ३३    ४२

६    भुटान           ०          १               ५    ६

७    माल्दिभ्स       ०          ०                ०    ०

जम्मा    ७ देश    ११६    ११९    १२५    ३६०

चौथो साफ गेम    

स्थान    देश      स्वर्ण     रजत     कांस्य     कुल

१      भारत       ६१         ४३        २०       १२४

२    पाकिस्तान    ४५        ३३       ४२       १२०

३    श्रीलंका         ६          १०        २१       ३७

४    बंगलादेश      १          १२         २४      ३७

५    नेपाल           १            १०          २१    ३२

६    भुटान           ०            ०            ३      ३

७    माल्दिभ्स       ०           ०            ०         ०

जम्मा    ७ देश    ११४    १०८    १३१    ३५३

सन् १९८९ मा पाकिस्तानले इस्लामावादमा चौथो साफ गेमको आयोजना गर्‍यो । उक्त प्रतियोगिता अक्टोबर २० देखि २७ सम्म भएको थियो । यो प्रतियोगितामा पनि १० वटा खेल भएका थिए, जसमा बास्केटबलको ठाउँमा स्क्वासले स्थान पाएको थियो भने अरु पहिलाकै खेलहरू खेलाइएको थियो । चौथो साफमा कबड्डी खेल पनि सर्कल स्टाइलमा खेलाइएको थियो । इस्लामावादमा पनि भारतनै हाबी भयो । ६१ स्वर्ण, ४३ रजत, २० कांस्य गरी कुल १२४ वटा पदक जित्दै भारत विजयी बन्यो । पाँचांै साफसम्म आइपुग्दा पनि नेपालले आफ्नो खेलमा सुधार गर्न भने सकेन । यो प्रतियोगितामा पनि नेपाल पाँचौं स्थानमा नै सीमित रह्यो, जसमा नेपालले १ स्वर्ण, १० रजत र २१ कांस्य गरी जम्मा ३२ पदक जितेको थियो ।        

पाँचौं साफ गेम

स्थान    देश      स्वर्ण     रजत     कांस्य     कुल

१        भारत       ६४       ५९       ४१        १६४

२    श्रीलंका         ४४       ३४       ४०        ११८

३    पाकिस्तान      २८       ३२       २५         ८५

४    बंगलादेश        ४         ८          २८        ४०

५    नेपाल             २         ८          २९         ३९

६    माल्दिभ्स         ०          १         ०            १

७    भुटान             ०           ०         ०            ०

जम्मा    ७ देश    १४२    १४२    १६३    ४४७

श्रीलंकाको कोलम्बो सहरले सन् १९९१ मा पाँचांै साफ गेम भयो । डिसेम्बर २२ देखि ३१ सम्म भएको प्रतियोगितामा १० खेल आयोजना गरिएको थियो । प्रतियोगितामा एथलेटिक्स, बास्केटबल, बक्सिङ, फुटबल, पौडी, भारोत्तोलन, टेबल टेनिस, भलिबल जस्ता खेलले निरन्तरता पाएको थियो भने टेनिस तथा सुटिङ गरी २ खेल थपिएका थिए । पाँचौं साफमा पनि भारत नै विजेता बन्यो । खेलमा भारतले ६४ स्वर्ण, ५९ रजत, ४१ कांस्य गरी कुल १ सय ६४ वटा पदक जित्यो । प्रतियोगितामा आयोजक श्रीलंका दोस्रो भयो भने नेपालले आफ्नो पहिलेको स्थानलाई कायम राख्दै पाँचौं भयो । उक्त खेलमा नेपालले २ स्वर्ण, ८ रजत, २९ कांस्य गरी जम्मा ३९ वटा पदक मात्र हात पार्‍यो । 

छैटौं साफ गेम सन् १९९३ मा बंगलादेशको ढाकामा छैटौं साफ गेम भयो । डिसेम्बर २० देखि २७ सम्म भएको प्रतियोगितामा ११ वटा खेल भएका थिए । यो प्रतियोगितामा जुडो नयाँ खेलका रूपमा थपिएको थियो भने अरू पुरानै खेलहरू खेलाइएको थियो । कुल १ सय ३७ पदक जित्दै भारतले छैटांै साफमा पनि आफ्नो शिर्ष स्थानलाई कायमनै राख्यो । जसमा ६० स्वर्ण, ४६ रजत तथा ३१ कांस्य पदक रहेको थियो । खेलमा खराब प्रदर्शनका कारण आयोजक बंगलादेश चौथो स्थानमा चित्त बुझाउन बाध्य भयो भने नेपाल पाँचौं स्थानमा रह्यो । छैटौं साफमा नेपालले १ स्वर्ण, ६ रजत , १५ कांस्य गरी कुल २२ पदक मात्र हात पार्‍यो । प्रतियोगितामा माल्दिभ्स र भुटानले पनि कुनै पनि पदक जित्न सकेनन् ।

स्थान    देश      स्वर्ण     रजत     कांस्य     कुल

१        भारत       ६०        ४६       ३१      १३७

२    पाकिस्तान     २३       २२         २०      ६५

३    श्रीलंका         २०         २२         ३९      ८१

४    बंगलादेश      ११          १९         ३२       ६२

५    नेपाल            १           ६          १५         २२

६    माल्दिभ्स        ०           ०           ०          ०

७    भुटान            ०            ०           ०         ०

जम्मा    ७ देश    ११५    ११५    १३७    ३६७

सातौं साफ गेम

भारतले सन् १९९५ मा मद्रासमा सातौं साफ गेमको आयोजना गर्‍यो । उक्त प्रतियोगिता १८ डिसेम्बरदेखि २७ सम्म सञ्चालनमा आएको थियो, जसमा १४ वटा खेल भएको थियो । फिल्ड हक्की खेललाई भारतले नयाँ खेलका रूपमा थपेको थियो । यो प्रतियोगितामा पनि अरू देशभन्दा भारत नै अगाडि आयो । भारतले १ सय ६६ स्वर्ण, ६० रजत, १९ गरी कुल २ सय ४५ पदक हात पार्‍यो । सातौं साफमा पनि नेपाले राम्रो खेल खेल्न सकेन् । कुल २८ पदक जित्दै नेपाल पाँचौं स्थानमै सीमित रह्यो । जसमा ४ स्वर्ण, ८ रजत तथा १६ कांस्य पदक थिए ।

स्थान    देश      स्वर्ण     रजत     कांस्य     कुल

१         भारत      १६६       ६०        १९        २४५

२     श्रीलंका       १६          २५        ५३        ९४

३    पाकिस्तान     १०         ३३          ३६       ७९

४    बंगलादेश      ७         १७         ३४        ५८

५    नेपाल          ४           ८           १६       २८

६    भुटान          ०            ०            २         २

७    माल्दिभ्स      ०           ०           १            १

जम्मा    ७ देश    २०३    १४३    १६१    ५०७

आठौं साफ गेम

स्थान    देश      स्वर्ण     रजत     कांस्य     कुल

१       भारत        १०२      ५८         ३७       १९७

२    नेपाल          ३२        १०          २४       ६६

३    श्रीलंका        १६       ४२           ६२       १२०  

४    पाकिस्तान    १०       ३६            ३०       ७६

५    बंगलादेश     २          १०           ३५        ४७

६    भुटान          १          ६              ७         १४

७    माल्दिभ्स्      ०          ०               ४         ४

जम्मा    ७ देश    १६३    १६२    १९९    ५२४

नेपालले पुन: सन् १९९९ मा काठमाडौंमा साफ गेमको आयोजना गर्‍यो । सेप्टेम्बर २५ देखि अक्टोबर ४ सम्म भएको प्रतियोगितामा १२ खेलहरू खेलाइएको थियो, जसमा तेक्वान्दो र कराँते नयाँ खेल थिए भने बाँकी पुरानै थिए । यो साफमा नेपालले आफ्नो होम ग्राउन्डको फाइदा उठाउँदै राम्रो प्रदर्शन गरेर पदक तालिकामा दोस्रो भयो भने भारतले शीर्ष स्थान नै हासिल गर्‍यो । पहिलो भएको भारतले १ सय २ स्वर्ण, ५८ रजत, ३७ कांस्य गरी कुल १ सय ९७ पदक जित्यो भने नेपालले ३२ स्वर्ण, १० रजत, २४ कांस्य गरी जम्मा ६६ वटा पदक हात पार्‍यो । 

नवौं साफ गेम

स्थान    देश      स्वर्ण     रजत     कांस्य     कुल

१      भारत        १०३       ५७       ३२       १९२

२    पाकिस्तान    ३८        ५५       ५०      १४३

३    श्रीलंका        १७          ३२      ५७     १०६

४    नेपाल          ७             ६        २०      ३३

५    बंगलादेश     ३            १३         २४       ४०

६  अफगानिस्तान  १           ३           २८      ३२

७    भुटान            १           ३           २         ६

८    माल्दिभ्स         ०           ०           ०          ०

जम्मा    ८ देश    १७०    १६९    २१३    ५५२

सन २००४ मा पाकिस्तानको इस्लामावादमा नवौं साफ गेमको आयोजना भयो । मार्च २९ देखि अप्रिल ७ सम्म भएको प्रतियोगितामा अफगानिस्तानले पनि सहभागिता जनाएपछि साफ गेम खेल्ने देशको संख्या ८ पुगेको थियो । उक्त प्रतियोगितामा भारतले पहिलो स्थान हासिल गरेको थियो भने पाकिस्तान दोस्रो स्थानमा आएको थियो । त्यस्तै नेपालको स्तर खस्केर चौथो स्थानमा झरेको थियो भने पहिलो सहभागिता जनाएको अफगानिस्तान छैटांै भएको थियो । 

दसौं साग गेम

स्थान    देश      स्वर्ण     रजत     कांस्य     कुल

१         भारत       ११८       ५९        ३७       २१४

२    पाकिस्तान       ४६        ७१       ६७      १८४

३    श्रीलंका           ३७          ६३       ७८      १७८

४    नेपाल             १५           १४         ३१      ६०

५    अफगानिस्तान   ६            ७         १८       ३१

६    बंगलादेश           ३          १५        ३२       ५०

७    भुटान             ०             ३          १०       १३

८    माल्दिभ्स          ०           ०          ०          ०

जम्मा    ८ देश    २२५    २३२    २७३    ७३०

१० औं साग गेम सन् २००६ मा श्रीलंकाको कोलम्बोमा भएको थियो । यही प्रतियोगिताबाट साफ गेमलाई सागको नाममा रूपान्तरण पनि गरियो । अगस्ट १८ देखि २८ सम्म भएको प्रतियोगितामा २० खेलहरू सञ्चालन भएको थियो । दसांै सागमा पनि भारत २ सय १४ पदक जितेर पहिलो भयो भने १ सय ८४ पदक जितेर पाकिस्तान नै दोस्रो भयो । यो प्रतियोगितामा नेपालले कुल ६० पदक जितेर चौथो भयो । 

११ औं साग गेम

सन् २०१० मा बंगलादेशको ढाकामा ११ औं साग गेम सम्पन्न भयो । २९ जनावरीदेखि फेब्रुअरी ९ सम्म भएको प्रतियोगितामा २३ खेल खेलाइएको थियो । जसमा एथलेटिक्स, बास्केटबल, बक्सिङ, फुटबल, पौडी, भारोत्तोलन, टेबल टेनिस, भलिबल, टेनिस, सुटिङ, आर्चरी, ब्याडमिन्टन, क्रिकेट, साइकलिङ, कराँते, जुडो, गल्फ, उसु, तेक्वान्दो, कबड्डी, ह्यान्डबल, हक्की, स्वास जस्ता प्रतियोगिता थिए । ढाकामा पनि भारत नै विजेता बन्यो भने पाकिस्तान दोस्रो भयो । उक्त प्रतियोगितामा आयोजक बंगलादेश तेस्रो भएको थियो भने नेपाल पाँचौं स्थानमा नै कायम रह्यो ।

स्थान    देश      स्वर्ण     रजत     कांस्य     कुल

१        भारत       ९०        ५५         ३०       १७५

२    पाकिस्तान     १९         २५        ३६         ८०

३    बंगलादेश       १८         २३        ५६         ९७

४    श्रीलंका          १६         ३५        ५४        १०५

५    नेपाल            ८            ९          १९        ३६

६    अफगानिस्तान ७            ९          १६        ३२

७    भुटान             ०            २           ३          ५

८    माल्दिभ्स         ०            ०          २           २

जम्मा    ८ देश    १५८    १५८    २१६    ५३२

११ औं साग गेम सन् २०१० मा बंगलादेशको ढाकामा ११ औं साग गेम सम्पन्न भयो । २९ जनावरीदेखि फेब्रुअरी ९ सम्म भएको प्रतियोगितामा २३ खेल खेलाइएको थियो । जसमा एथलेटिक्स, बास्केटबल, बक्सिङ, फुटबल, पौडी, भारोत्तोलन, टेबल टेनिस, भलिबल, टेनिस, सुटिङ, आर्चरी, ब्याडमिन्टन, क्रिकेट, साइकलिङ, कराँते, जुडो, गल्फ, उसु, तेक्वान्दो, कबड्डी, ह्यान्डबल, हक्की, स्वास जस्ता प्रतियोगिता थिए । ढाकामा पनि भारत नै विजेता बन्यो भने पाकिस्तान दोस्रो भयो । उक्त प्रतियोगितामा आयोजक बंगलादेश तेस्रो भएको थियो भने नेपाल पाँचौं स्थानमा नै कायम रह्यो ।

१२ औं साग गेम

स्थान    देश      स्वर्ण     रजत     कांस्य     कुल

१        भारत       १८८     ९०         ३०      ३०८

२    श्रीलंका         २५        ६३        ९८      १८६

३    पाकिस्तान       १२       ३७        ५७     १०६

४    अफगानिस्तान   ७        ९          १९       ३५

५    बंगलादेश         ४        १५        ५६      ७५

६    नेपाल             ३          २३        ३४       ६०

७    माल्दिभ्स        ०           २           १        ३

८    भुटान            ०           १           १५       १६

जम्मा    ८ देश    २३९    २४०    ३१०    ७८९

१२ औं साग गेमको आयोजना भारतले सन् २०१६ मा गर्‍यो । गुहाहटी र सिलोङमा ५ फेब्रुअरीदेखि १६ फेब्रुअरीसम्म भएको उक्त प्रतियोगितामा २२ खेल भएका थिए । १२ औं सागमा पनि भारत सधैं झै पहिलो बन्यो भने श्रीलंका दोस्रो भयो । प्रतियोगितामा भारतले ३ सय ८ पदक जित्यो भने श्रीलंकाले १ सय ८६ वटा पदक हात पार्‍यो । सधैं मध्यम स्तरको प्रदर्शन गर्दै आएको नेपालले यो प्रतियोगितामा झन् १ स्थान तल झरेर छैटौं स्थानमा पुग्यो । यो प्रतियोगितामा नेपालले ३ स्वर्ण, २३ रजत, ३४ कांस्य गरी कुल ६० पदक जितेको थियो ।

प्रकाशित :मंसिर १४, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

×