केवल एक प्रश्न

तपाईंले पछिल्लो समय हेरेको चलचित्र कुन हो ? कस्तो लाग्यो ? 

साप्ताहिक संवाददाता , माघ ५, २०७६

एउटा आर्टिकल लेख्नुपर्ने भएकाले जापानिज भाषाको ‘मानोगातरी’ हेरेको थिएँ, जुन हामीमध्ये धेरैले अत्यन्तै कम हेरेको चलचित्र हो । यो चलचित्र सन् १९८७ मा बफादार कुकुर हाचीको माथि बनेको थियो । पछि यसैको अंग्रेजी भर्सन सन् २००९ मा ‘हाची अ डग्स टेल’ बन्यो । हाचीको मानोगातरीले मालिकप्रतिको प्रेम, बफादारिता र अनन्त पर्खाइको पीडादायक कथा बोल्छ । पुरा पढ्नुहोस्

अहिलेसम्म हिउँ खेल्न  कहाँसम्म पुग्नुभएको छ  ?

साप्ताहिक संवाददाता , पुस २५, २०७६

हिउँ खेल्ने चिज होइन, यो त हेर्ने चिज हो । हिउँ हेर्नका लागि चाहिँ सगरमाथाको फेदीदेखि माछापुच्छ्रे, कञ्चनजंघासम्म पुगेको छु । एकपटक हिउँ खेल्दा गर्दनबाट हिउँको डल्लो छिरेर तल जुत्ताबाट निस्किएको थियो, त्यसैले मलाई हिउँ खेल्न मनै लाग्दैन, बरु हेर्न मन लाग्छ । फेरि हिउँ खेलेर चिसोमा कुनै पदक पाइने पनि होइन । पुरा पढ्नुहोस्

एउटा प्रश्न सोध्न मन लाग्यो भने तपाईं के सोध्नुहुन्छ ?

साप्ताहिक संवाददाता , पुस २०, २०७६

ट्राफिक प्रहरी प्रमुखज्यू, तपाईं मातहतका कर्मचारीहरूले चोकचोकमा बसेर एकापट्टि लामो जाम गराएर अर्कोपट्टि पर–परबाट फाट्टफुट्ट आइरहेका सवारी साधनलाई मरी–मरी किन पासिङ गर्न लगाएका होलान् ? पुरा पढ्नुहोस्

भ्रमण वर्षलाई सफल बनाउन  कस्तो योगदान गर्दै हुनुहुन्छ ? 

साप्ताहिक संवाददाता , पुस ११, २०७६

नेपाल भ्रमण वर्ष–२०२० सफल पार्न सबैभन्दा पहिला हामीले बढीभन्दा बढी पर्यटक भित्र्याउन सक्दो जानकारी दिनुपर्छ । त्यस्तै आन्तरिक पर्यटकका रूपमा आफू पनि नेपालका विभिन्न ठाउँहरूको भ्रमण गर्दैछु । सबैभन्दा मुख्य कुरा गायिकाका रूपमा गीत–संगीतको माध्यमबाट नेपाललाई खासगरी पोखरा भित्रिनु भएका पर्यटकहरूलाई मनोरञ्जन गराउने योजना छ । हामीले गर्न सकिने यति नै होला ।  पुरा पढ्नुहोस्

क्रिसमस इभ  मनाउने तयारी के छ ?

साप्ताहिक संवाददाता , पुस ४, २०७६

यसपालिको क्रिसमस अमेरिकामा धूमधामले मनाउँदैछु, तर कुन ठाउँमा मनाउने भन्ने निश्चित भइसकेको छैन । पक्कै पनि कुनै चर्चमा प्रभुको भजन गाएर मनाउँछु । किनभने मेरो आवाज प्रभुको देन हो । -अञ्जु पन्त, गायिका  पुरा पढ्नुहोस्

पहिलो पटक हवाई यात्रा गर्दा तपाईंलाई कस्तो अनुभव भयो ?

साप्ताहिक संवाददाता , मंसिर २१, २०७६

राइट ब्रदर्सले राइट काम गरेका रहेछन् भन्ने लाग्यो । सुरुमा कुनै पनि अनुभव नभएका कारण यात्रा कस्तो होला भन्ने कौतूहलता त थियो नै तर आकाशमा उड्दा र नदीहरू पार गर्दाचाहिँ रमाइलो भयो । सधैं हामीमाथि हुने बादलहरूलाई आफू मुनि पारेर लुकामारी खेल्दा झनै मज्जा भयो । जहिले टेकेर हिँडेको पृथ्वीलाई नटेकी हेर्न पाएँ । आनन्द लाग्यो ।  पुरा पढ्नुहोस्

तपाईं खेलाडी बन्नुभएको भए  कुन खेलको बन्नुहुन्थ्यो ? 

साप्ताहिक संवाददाता , मंसिर १४, २०७६

म फुटबल खेलाडी हुने कुरामा दुईमत छैन, किनभने सानै बेलादेखि म फुटबल भनेपछि हुरुक्कै हुन्थें । त्यसो त मोजाको भकुन्डो बनाएर भए पनि खेलिन्थ्यो । आखिर पेलेको पनि सुरुवात त मोजाको बलबाटै भएको हो नि ! पुरा पढ्नुहोस्

विवाह गर्न लेखेको हुनुपर्छ कि देखेको ?

साप्ताहिक संवाददाता , मंसिर ८, २०७६

विवाह गर्न पहिला केटाकेटीले एक–अर्कालाई देखेको हुनुपर्छ । अनि विवाह गर्न फाइनल भएपछि निमन्त्रणा कार्ड, शुभ विवाहको ब्यानरमा पनि लेखेको हुनुपर्छ । यसकारण विवाह गर्न पहिला देखेको अनि पछि लेखेको हुनुपर्छ । पुरा पढ्नुहोस्

कालापानी मुद्दामा नेपालले अब के गर्नुपर्ला ? 

साप्ताहिक संवाददाता , कार्तिक ३०, २०७६

कालापानी समस्या सुल्झाउने एकमात्र उपाय भनेको कूटनैतिक पहल हो । कूटनीतिकै माध्यमबाट संसारभरका शक्तिराष्ट्रहरूमार्फत भारत माथि नैतिक दबाब सिर्जना गरी कालापानीबाट भारतीय सेना फिर्ता गराउनु एकमात्र विकल्प देखिन्छ किनभने नेपालले सोझै अनुरोध गर्दैमा भारतीय सेना फिर्ता भैहाल्छ भनेर सोच्नु गलत हुनेछ । पुरा पढ्नुहोस्

नेताहरु किन  गतिछाडा हुँदै गएका हुन् ?

साप्ताहिक संवाददाता , कार्तिक २५, २०७६

हामी जनताका कारण नै साना तथा ठूला नेता गतिछाडा हुँदै गएका छन् । नेताहरूले जे गर्दा पनि ताली बजाउने हाम्रो प्रवृत्तिलाई नै म यसको कारण मान्छु । तालीको सट्टा गाली दिने हो भने केही सुधार हुन्थ्यो कि ? पुरा पढ्नुहोस्

बिहानै नकारात्मक समाचार  सुन्दा कस्तो लाग्छ? 

साप्ताहिक संवाददाता , कार्तिक १८, २०७६

सकेसम्म कुनै पनि नकारात्मक कुरा बिहान मात्र होइन, कहिल्यै सुन्नु नपरोस् तर विडम्बना ! प्राय मिडिया भनूँ वा मानिसहरू नकारात्मक कुराकै खोजीमा हुन्छन् । उनीहरू नकारात्मक कुराहरू पढ्न, सुन्न वा सुनाउनमै उत्सुक हुन्छन् । खै किन हो ? पुरा पढ्नुहोस्