महामारीको सामना गर्न अहिले नेपालमा झैं भारतमा पनि लकडाउन गरिएको छ । भारतीय प्रधामन्त्री नरेन्द्र मोदीले कोरोना संक्रमण वा यसले निम्त्याउने प्रतिकुल परिस्थितिमा सहयोग गर्ने उद्देश्यले ‘पिएम केयर कोष’ नै गठन गरेका छन् । 

राजकुमार चाल्र्ससँगै बेलायतका प्रधानमन्त्री बोरिस जोन्सन, स्वास्थ्यमन्त्री म्याट हानकक, उप स्वास्थ्यमन्त्री नदिन डोरिसलाई पनि कोभिड–१९ को संक्रमण देखिएको बिबिसीले जनाएको छ । यी घटनाले विश्वभर फैलिरहेको कोरोना भाइरसले सर्वसाधारणदेखि हाइप्रोफाइल समेतलाई छोडेको छैन भन्ने पुष्टि हुन्छ । 

लकडाउनको समय र कोरोना भाइरसको संत्रास यसरी नै लामो समय रहने हो भने मानिसले हात मिलाउने भन्दा हात धुनेतर्फ लाग्नेछन् । यो बिस्तारै बानी बन्ने र यसले मानिसको सोच बदल्ने देखिन्छ । बिरामीलाई देख्नेबित्तिकै मानिसले हात मिलाउन र अँगालो मार्न छाड्ने छन् ।