त्यो बेलामा डाक्टर हुनु नै सबैभन्दा ठूलो कुरा थियो । त्यो बेलासम्म मलाई पैसा तिरेर अरु देशमा गएर पढ्न पाइन्छ भन्ने पनि थाहा थिएन । तर मलाई पढाउने शिक्षकले सर्जन बन्नुपर्छ भनेपछि चाहिँ मनमा चाह पलाएको थियो ।

बुबाले पहिले मलाई थाममा बाँध्नुभयो अनि थालभरी मासु राखेर बुबाले ‘ल खा’ भन्नुभयो । तर, हात बाँधेपछि कसरी खाने ? त्यसपछि वरिपरिका मेरा साथीहरू पनि बोलाउनुभयो र सबैको अगाडि सिस्नोपानी लगाउनुभयो ।