मन्दिरको दायाँपट्ट िनाग, मूलढोकाको दायाँबायाँ सिंहको मूर्ति, अगाडि पित्तलको मण्डप र नजिकै राँगाको मूर्ति छ। आफ्नो घरमा भएका पशु बिरामी भए सोही राँगाको मूर्तिमा दूध चढाइने श्रेष्ठले जानकारी दिए। बज्रयान, तन्त्रयान तथा महायान सम्प्रदायको धार्मिक विधिअनुसार पूजापाठ हुने उक्त मन्दिर क्षेत्रमा नेवार समुदायको बाहुल्यता छ। यो मन्दिर क्षेत्रको जंगलमा उम्रने घाँसपात घरमा ल्याउन नहुने तथा त्यसरी ल्याइएको पात हावाले उडाएर बेलुका फेरि सोही जंगलमा पुर्‍याउने धार्मिक विश्वास पनि छ। यो मन्दिर बौद्ध तथा हिन्दूहरूको प्रसिद्ध धार्मिक स्थलका रूपमा प्रख्यात छ।