साप्ताहिक संवाददाता
गाईजात्राको अवसर पारेर गत सोमबारदेखि जमलस्थित राष्ट्रिय नाचघरमा गाईजात्रा महोत्सव २०७५ आयोजना भैरहेको छ । सोमबारसम्म सञ्चालन हुने उक्त महोत्सव गुन्जिता टेलिसञ्चारले आयोजना गरेको हो । प्यारोडी, प्रहसन, व्यग्य कविता तथा नृत्यसहितको उक्त महोत्सवमा झण्डै २ दर्जन कलाकारहरू सहभागी छन् । महोत्सवमा प्रस्तुत गरिएका प्रहसनहरू यस्ता छन् ।
सार्वजनिक शौचालय
निर्देशन : विष्णु सापकोटा
कलाकार : शिवहरि बैरागी, विष्णु सापकोटा, शिव शर्मा, इन्द्र खम्बे
विषयवस्तु : सहरमा सार्वजनिक शौचालयको अभाव एवं भएका शौचालयको दुरावस्थादेखि विकृतीसम्मको चर्चा ।
जाजा आबा
निर्देशन : प्रभाकरदेव शर्मा
कलाकार : प्रभाकरदेव शर्मा, नवराज भण्डारी, सुशिला निरौला तथा पुष्प अवस्थी
विषयवस्तु : जाजा आबा अर्थात जाँदा जाहाजमा, आउँदा बाकसमा । यो प्रहसनले वैदेशिक रोजगारीमा जाने नेपालीहरूको बाध्यतात्मक परिस्थितिमाथि तिखो व्यंग्य कसेको छ ।
कर
निर्देशक : रवि डंगोल बेइमान कलाकार : रवि डंगोल बेइमान, पूर्ण थापा सुब्बासा’ब, पल्पसा डंगोल चम्सुरी तथा सन्तोष खनाल फिल्मीकिरो
विषयवस्तु : नयाँ आर्थिक वर्ष लागेसंगै स्थानिय सरकारले जनतामाथि थोपरेको अनावश्यक करको कर–करप्रति केन्द्रित ।
सपेरा
निर्देशन/कलाकार : सुरेन्द्र केसी तथा
शिव शंकर रिजाल
विषयवस्तु : दुई जना कलाकारले प्रस्तुत गर्ने यो प्रहसनले पनि समसामयिक विषयमा व्यंग्य गर्नेछ । जोगिन्दर पानवालाका रूपमा लोकप्रिय शिवशंकरले यसपटक आफू मुलाको सागको नामले चिनिने सुरेन्द्र केसीसँग मिलेर दर्शकहरूलाई हँसाइरहेका छन् ।
नेपालको पानी जहाज
निर्देशन : दमन रुपाखेती कलाकार : दमन रूपाखेती, नीरज नेपाल तथा पारबन राई ‘राई बुढो’ विषयवस्तु : प्रधानमन्त्री केपी शर्मा ओलीले देखाएको पानीजहाजको सपनासम्बन्धी व्यंग्य ।