फिल्म ‘बागमती’ र ‘शकुन्तला’ लगातार फ्लप भएपछि चार वर्षयता अभिनेता राजेश हमालले फिल्म गरेका छैनन् । बेलाबखत उनीकहाँ अफर लिएर जानेहरू त छन् तर कसैको स्क्रिप्ट उनलाई चित्त बुझेको छैन । अब फेरि उनी संख्या बढाउनकै लागि मात्रै फिल्म गर्न तयार पनि छैनन् । 

यही मुडमा रहेका हमालसँग बुधबार अभिनेता निखिल उप्रेतीले भेट गरेको तस्बिर अहिले चर्चामा छ । नयाँ फिल्म ‘आयो भैरव’को तयारीमा रहेका निखिल–हमालबीचको भेटलाई अहिले फिल्मवृत्तमा अर्थपूर्ण रूपले हेरिएको छ । 

स्रोतअनुसार निखिलले हमाललाई आफ्नो फिल्ममार्फत कमब्याक हुन प्रस्ताव गरेका छन् । तर, हमालले कुनै प्रतिक्रिया दिएका छैनन् । निखिल–राजेशको भेटघाट ‘चियागफ’मा सीमित हुने हो वा सहकार्यमा बदलिने हो ? यसकै प्रतीक्षा छ ।