रोमान्टिक फेसन महिलाका लागि आफ्नो पहिरनको हेमलाइन घुँडाभन्दा दुई इन्च माथि नहोस् भन्ने कुरामा विशेष ध्यान दिनुपर्छ । घुँडाभन्दा दुई इन्चमाथिको पहिरनमा व्यक्ति ग्ल्यामरस त देखिन्छ तर ठीक तरिकाले बस्न जानिएन भने त्यही फेसन भद्दा र आपत्तिजनक स्थिति निम्त्याउने खालको हुनसक्छ । यो शैलीमा लिटिल ब्ल्याक ड्रेस पर्फेक्ट हुन्छ तर यो शैली अँगाल्दा खुट्टाको देखिने भागहरू राम्रोसँग टोन्ड तथा ब्याक्सिङ गरिएको हुनुपर्ने कुरामा ध्यान पुर्‍याउनुपर्छ । जुत्ता आफूलाई हिँड्न र यताउति गर्न सहज र आराम हुने खालको हुनुपर्छ । 

एक्सेसरिज चयन गर्दा ओभरलोड नहोस् भन्ने कुरामा ध्यान पुुर्‍याउनुपर्छ । साधारण क्लच, रिङ, ब्रासलेट, इयररिङ तथा नेकलेस प्रयोग गर्नुपर्छ । यदि स्टाइल स्टेट्मेन्टमा ध्यान दिने हो भने आफ्नो क्लचसित जुक्ताको मेल गराउनु राम्रो हुन्छ । ड्रेस कोट वा कोट केप उपयोगी हुन्छ । यदि च्वाइस लाउड छ भने म्युटेड शेड्स र प्याटर्नमा पनि प्रयास गर्न सकिन्छ । त्यसको कट् र स्टाइलमा प्रयोग गर्न सकिन्छ । आफूलाई कभर अप गर्न चाहने हो भने भी नेक प्रयोग गर्नु उपयुक्त हुन्छ । यदि ओपन अप हुन मन छ भने लङ स्लिभ भएको मिनी ड्रेस प्रयोग गर्न सकिन्छ । 

वातावरणको तापक्रम अनुरूप आफ्नो शरीरको तल्लो भागलाई छोप्न पाइन्ट वा ट्राउजर प्रयोग गर्न सकिन्छ, तर आफ्नो खुट्टालाई कभर गर्ने र साथमा कामुक पनि देखिने हो भने बुट कट् वा सत्तरी दशकताकाको बेलबटम राम्रो विकल्प हुनसक्छ । आफ्नो बटम वेयरलाई प्लेन राख्न सकिन्छ, जस्तै डेनिम वा ब्ल्याक पाइन्ट । यस्तो अवस्थामा आफ्नो अपर वेयरमा एक्सपेरिमेन्ट गर्न सकिन्छ । लेसी वा शियर टप रिस्क विनाको सिडक्टिभ अप्रोच हुनसक्छ । यदि पाइन्ट लुज छ भने फिटेड टप प्रयोग गर्नु उपयुक्त हुन्छ । यदि पाइन्ट साइड तिर टाइट शैलीको छ भने टप सिल्की टाइपको हुनुपर्छ ।

यदि भ्यालेन्टाइन डेट क्याजुयल मुडको छ भने सोहीअनुरूपको पहिरन छनौट गर्नुपर्छ । फिटिङ जिन्सका साथमा अफ शोल्डर पिस वा सिम्पल लङ टप लगाउन सकिन्छ । फिटेड ब्लेजर लेडर ज्याकेटका साथमा लेस ट्रिम ट्याङ टप उपयुक्त हुन्छ । यो शैलीमा हिल जुत्ता नै लगाउन सकिन्छ । स्लीभलेस टप माथि राम्रो खालको फिटेड ज्याकेट वा लिटिल ब्ल्याक ड्रेसका साथमा शियर स्टकिङ प्रयोग गर्नु उचित हुन्छ । ट्युनिक सित लेसी लेगिङको जोडा मिलाउन सकिन्छ । 

यो अवसरका लागि पूर्वीय शैलीलाई पनि सहज रूपमा प्रयोगमा ल्याउन सकिन्छ । सिम्पल सियर सिफन साडीका साथमा क्युट क्लचको कम्बिनेसन प्रयोग गर्न सकिन्छ । प्रिटी नेकलेसका साथमा सिल्क साडीको जोडा पनि उत्तिकै शोभनीय हुन्छ । सुन्दर खालको कुर्तालाई ब्रोकेड सिल्क स्लीभलेस ज्याकेट तथा चुडीदार सित कम्बाइन गरी क्याजुयल लुक पनि अँगाल्नसकिन्छ । 

भ्यालेन्टाइन डेलाई अझ बढी रोमान्टिक बनाउन पोल्का डट्स, हार्ट प्रिन्ट युक्त पहिरन लगाउनु उपयुक्त हुन्छ । हाई कोलर वा डीप नेक भएको कामुक पहिरन पनि लगाउन सकिन्छ । साँझको पार्टीका लागि रातो रंगको गाउन वा शर्ट ड्रेस परफेक्ट हुन्छ भने दिउँसोका लागि स्किनी जिन्स र बुट्सका साथमा रातो औपचारिक टप प्रयोग गर्न सकिन्छ । एलिगेन्ट अन्दाजका लागि क्लासिक फ्लोर लेन्थ ड्रेस राम्रो विकल्प हुनसक्छ । स्ट्रेपलेस भी नेकयुक्त स्पेगेटी ड्रेस ट्राई गर्न सकिन्छ । कतिपय पुरुषलाई लामो कर्भी हगिङ स्कीनी जिन्स मनपर्ने भएकाले आफ्नो प्रियतमको मन जित्न यो शैलीका साथमा हिल भएको थाई हाइ बुटको जोडा मिलाउनु उपयुक्त हुन्छ । 

क्रप्ड बाइकर लेदर ज्याकेट भ्यालेन्टाइन डेका लागि उत्तम विकल्प हुनसक्छ । सिक्विन्स अहिले प्रचलनमा छ, तसर्थ सिक्विन्ड स्कर्ट प्रयोग गर्न सकिन्छ । लिटिल ब्ल्याक ड्रेसलाई सदाबहार मानिन्छ, भ्यालेन्टाइन डेमा यसलाई उपयोगमा ल्याउन सकिन्छ ।

भ्यालेन्टाइन ड्रेसिङमा पुरुषले रातो रंगको गाढा शेड्स अपनाउनु उचित हुन्छ । यदि रंगसित सम्बन्धित समस्या छैन भने हरियो वा नीलो रंगको ज्याकेट र टिशर्टको कम्बिनेसन उपयुक्त हुन्छ । लुज फिटिङ सर्टबाट जोगिनुपर्छ । फिट सर्टले आफ्नो व्यक्तित्वमा सकारात्मक सन्देश प्रवाह गर्छ । यसले आफ्नो शरीर र व्यक्तित्वसम्बन्धी आत्मविश्वास पनि झल्काउँछ । आफ्नो सुगठित शरीर नै प्रदर्शन गर्ने हेतुले बडी हगिङ टिज भने प्रयोग गर्नु हुँदैन । 

महिलाहरू आफ्नो जुत्ता र एक्सेसरिजका सम्बन्धमा जति सचेत हुन्छन् त्यति नै उनीहरू पुरुष व्यक्तित्वको मूल्यांकन गर्दा ती कुरामा ध्यान दिन्छन् । अत: पुरुषले आफ्नो जुत्ताका सम्बन्धमा सजग हुनुपर्छ । राम्रो क्वालिटीको छालाको जुत्ता वा आरामदायक औपचारिक जुत्तालाई प्राथमिकता दिनुपर्छ । त्यस्तै सुन्दर खालको नाडी घडीलाई पनि अनिवार्य आइटमका रुपमा प्रयोग गर्नुपर्छ । 

हट स्टाइलको कुरा गर्नु पर्दा यो भ्यालेन्टाइन डेका अवसरमा पुरुषले आफ्नो जिन्स सित मरुन रंगको स्वेटर प्रयोग गर्नु उपयुक्त हुन्छ । ब्लेजर कोटका साथमा स्कीनी फिट डेनिमको जोडा दिउँसोका कार्यक्रमका लागि फिट हुन्छ भने रातिका कार्यक्रममा पनि शोभनिय हुन्छ । बटन डाउन भेस्टका साथमा रेट्रो जेन्टलमेन लुकका लागि फिटेड क्याजुयल कोट प्रयोग गर्न सकिन्छ । स्टाइलिस लुकका लागि रातिका कार्यक्रममा क्याजुयल पहिरन नै उचित विकल्प हो । भी नेक टि शर्ट र डेनिम जिन्सको जोडा एलिगेन्ट हुन्छ । छालाको जुत्ताबाट यो लुकलाई अझ प्रभावकारी बनाउन सकिन्छ । लन्चका लागि जाने हो भने लाइट पेस्टल शेड्समा क्याजुयल पहिरन सुहाउँदिलो हुन्छ । कालो रंग सकेसम्म प्रयोग गर्नु हुँदैन । 

फर्मल डेट हो भने फर्मल पहिरनलाई प्राथमिकतामा राख्नुपर्छ । फर्मल डिनरका लागि ब्ल्याक सुट सबैभन्दा बढी सुहाउँछ । यसमा सादा सर्टको जोडा उपयुक्त हुन्छ । ब्लेजर र टाईले यो शैलीलाई प्रभावकारी बनाउँछ । म्युजिक कन्सर्ट वा डान्स पार्टीमा जाने हो भने फंकी लुक ठीक हुन्छ । जसमा ब्यागी पाइन्ट र टर्टल नेक टी सर्ट सबैभन्दा उपयुक्त मानिन्छ । साधारण पहिरन लगाउँदा पनि पाइन्ट र सर्ट फ्रेस ड्राई क्लिन गरिएको र राम्रोसँग प्रेस गरिएको हुनुपर्छ । सोलिड ब्ल्याक ड्रेस पाइन्ट, क्रिस्प व्हाइट सर्ट तथा इलेगेन्ट्ली सेक्सी टाई सहजै अपनाउन सकिने विकल्प हुन् । कालो टाई, कालो मोजा र कालो जुत्ता म्याच गरी लगाउनसकिन्छ ।

यो अवसरमा आफ्नी प्रेमिकालाई आफ्नो वाइल्ड साइड डिस्प्ले गर्न सकिन्छ । लुज सर्ट अधिकांश पुरुषलाई सुहाउँदैन अत: नाइस फिटेड सर्ट प्रयोग गर्नुपर्छ र यदि बडी टोन्ड र फिट छ भने शर्टको माथिल्लो एकाध बटन खुला राखेर आफ्नो शरीर प्रदर्शन गर्न सकिन्छ । केशलाई हेयर मुज प्रयोग गरी स्टाइल दिनसकिन्छ । अशोभनीय हेयर स्टाइलबाट भने जोगिनुपर्छ । यदि कोट लगाउने योजना छैन भने नाडी घडी लगाउनु उपयुक्त हुन्छ ।