इभान्डर होलिफिल्डको भनाइलाई विश्वास गर्ने हो भने उनी त्यो भिडन्तको नजिक छन्, जसका प्रतिद्वन्द्वी हुनेछन्, माइक टाइसन । होलिफिल्डले यसका लागि टाइसनसँग यसबारे कुराकानी पनि गरिसकेका छन् ।

यो भिडन्त भने च्यारिटीका लागि हुनेछ । पूर्व हेभिवेट विश्व च्याम्पियन टाइसनले केही दिन अगाडि मात्र आफू फेरि रिङगमा फर्कन चाहेको बताएका थिए ।

होलिफिल्ड पनि पूर्व हेभिवेट विश्व च्याम्पियन नै हुन् । उनले आफूले त्यो प्रस्तावित भिडन्तका लागि आफ्नो अभ्यास र तयारी पनि सुरु गरिसकेको दाबी गरेका छन् ।

होलिफिल्ड अहिले ५७ वर्षका भए । आज भन्दा २३ वर्ष अगाडि सन् १९९६ मा होलिफिल्ड र टाइसनबीच बहुचर्चित र विवादादस्पद भिडन्त भएको थियो । त्यसको ११ औं राउन्डमा टाइसनलाई डिस–क्वालिफाइड घोषित गरिएको थियो ।

त्यस भिडन्तका क्रममा टाइसनले होफिल्डको कानमा टोकेपछि एक टुक्रा नै बाहिर निस्केको थियो । यसक्रममा होलिफिल्ड रगताम्ये भएका थिए ।