साप्ताहिक संवाददाता
फाल्गुन २६, २०७५
अन्तर्राष्ट्रिय मोबाइल कन्फ्रेन्समा स्पेनिस अटोमोबाइल निर्माता सिएटले भविष्यको इलेक्ट्रिक कार प्रदर्शन गर्यो । उक्त कारको टप स्पिडलाई चालकको उमेर अनुसार सेट गर्न सकिन्छ ।
यदि चालकको उमेर १६ वर्ष छ भने यसको गति ४५ किलोमिटर र १८ वर्ष छ भने ९० किलोमिटर प्रतिघण्टाको गतिले चलाउन सकिन्छ । यो कारलाई बोलेर पनि नियन्त्रण गर्न सकिन्छ । मिनिमो इलेक्ट्रिक अर्वान नामक यो कारमा कम्फर्ट र सेफ्टीमा विशेष ध्यान दिइएको छ ।
यो हाइपर कनेक्टेड कारमा फाइभजी टेक्नोलोजी प्रयोग गर्न सकिन्छ । यसको अघिल्लो भागमा मोटरसाइकलको जस्तो सिंगल हेडलाइट छ । यसमा ड्राइभरसहित दुई जना बस्न मिल्छ ।