धनकुटामा रेडियो नेपालले प्रतियोगितात्मक आधुनिक गीत सम्मेलनको पूर्वाञ्चल छनौट सम्पन्न गरेको छ । 

कार्यक्रममा प्रसिद्ध गायक तथा संगीतकारहरू भुपेन्द्र रायमाझी, रामा मण्डल, मदनसिंह नेपाली, मनराज नकर्मी, हरिशंकर चौधरी, चन्द्र थापा आदिले पनि गीत सुनाएका थिए । उक्त अवसरमा रेडियो नेपालका उपनिर्देशक तथा गीतकार डा. नवराज लम्साल, प्रमुख जिल्ला अधिकारी तथा गीतकार प्रेमप्रकाश उप्रेती आदिको पनि प्रस्तुति समेटिएको थियो । 

पूर्वाञ्चल अडिसनमा सहभागी २५ प्रतियोगीमध्ये राष्ट्रिय प्रतियोगिताका लागि ६ जनालाई छनौट गरिएको छ । यो प्रतियोगिताबाट संखुवासभाका परेश राई, सुनसरीकी अञ्जु गौतमका साथै संगीत सुवेदी, बलबहादुर राजबंशी, कविता बराइली तथा दिपेश सुब्बा छनौट भएका छन् ।