काठमाडौंको नाईट क्लब फरेनहाईटमा यसै साता गायक जेय अथर र आइजेनको नयाँ गीत सार्वजनिक गरियो । सार्वजनिक ‘मैच्यांग’ शिर्षकको गीतमा जेय र आइजेनको साथमा अभिनेत्री प्रियंका कार्की फिचर्ड छिन् । 

गीतको भिडियोलाई सुयोग गुरुंगले निर्देशन, सम्पादन तथा कलर ग्रेडिंग गरेका छन् । सुयोगले यसअघि चलचित्र ‘सानो मन’ निर्देशन गरेका थिए भने उनले केहि टिभि कमर्सियल पनि बनाएका छन् ।

गीतलाई जेय र आइजनले संयुक्त लेखेका हुन् । यसअघि उनिहरुको गीत ‘टाइम छैन’ चर्चित बनेको थियो ।