प्रेम परियारको एउटा हराएको गीत

आश्विन ६, २०७२

एउटा गरिब केटोलाई राजमार्गमा गीत गाउँदै माग्दै हिंडिरहेको बखत चलचित्रकर्मी शिशिर राणा उनको गायन प्रतिभाबाट प्रभावित भएपछि काठमाडौं लिएर आए, संगीतकार बसन्त सापकोटालाई भेटाए । चलचित्र ‘नाइँ नभन्नु ल’को ‘मर्ने कसैलाई रहर हुँदैन’ तथा शिर्षगीतबाट उनको ख्याति एकाएक बढ्यो । सानो उमेरमै त्यो केटो अर्थात गायक प्रेम परियार अहिले गायन क्षेत्रमा ‘स्टार’ भएका छन् । कैयन विदेशी मूलुकहरु पनि घुमिसके ।

उनले पछिल्लो पटक यति धेरै गीत गाए कि संभवत: उनलाई नै सम्झन गाह्रो हुन्छ होला । संगीतकार सन्तोष श्रेष्ठले केही समयअघि आमाको सम्झनामा उनलाई एउटा मर्मस्पर्शी गीत गाउन लगाएका थिए । कसैको घरमा काम गरि बसेकी एउटी बाल श्रमिकको वेदनालाई गीतकार परिक्षद सेन ठकुरीले रचेका थिए । त्यही गीतका प्रेमले स्वर भरेका थिए । ठकुरीकै निर्देशनमा तयार भैसकेको लघु चलचित्र ‘अकिंचन’मा उक्त गीतलाई समेटिएको छ । नीर शाह, दिलिप रायमाझी जस्ता स्थापित कलाकारहरुको अभिनय रहेको लघु चलचित्र ‘अकिंचन’को ‘तिमीलाई थाहा छ नि आमा’ बोलको उक्त गीत कता–कता हिन्दी गीत ‘तुझको पता है ना माँ’ संग मिलेको जस्तो लागे पनि परिवेश, संगीत र गायनका हिसाबले प्रेम परियारले गाएर पनि ओझेलमा परेको यो गीतले पाउनु पर्ने जति चर्चा पाएन ।

गीतको भिडियो लिंक :

प्रकाशित :आश्विन ६, २०७२

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्