अफिस टिफिन टाइम

- संगीता लामिछाने, डाइटिसियन

मंसिर ४, २०७६

 

अफिसमा कस्तो खाजा खाने ?

प्रत्येक व्यक्तिको दैनिक क्यालोरीको आवश्यकता उसको शरीर, लैंगिक अवस्था तथा शारीरिक क्रियाकलाप अनुसार फरक–फरक हुन्छ । शरीरको आवश्यकता अनुसार शक्तिको परिणाम निर्माण हुन्छ । शरीरमा आवश्यकताअनुसार शक्ति प्राप्त भएन भने त्यसले स्वास्थ्यमा नकारात्मक असर पुर्‍याउँछ । अफिसमा दैनिक खाजा खाँदा सन्तुलित किसिमले खानुपर्छ । 

खाजामा यसरी सन्तुलन मिलाउन सकिन्छ 

अफिसमा खाजा खाँदा चिल्लो कम भएका चिजहरू जस्तै रोटी–परौठा–दही आदि रोज्नुपर्छ ।

सिजनका फलफूल १ सयदेखि ३ सय ग्रामसम्म दैनिक खाँदा स्वास्थ्यलाई फाइदा हुन्छ । 

खाजासँगै शरीरमा पानीको मात्रा पनि कम हुन दिनु हुँदैन् । त्यसैले दिउँसो ३ लिटरसम्म पानी पिउनुपर्छ ।

अफिसमा खाजाका रूपमा तरकारी पनि खान सकिन्छ । दिउँसो १ प्लेट तरकारी पर्याप्त हुन्छ । 

शरीरको शक्ति सन्तुलन कायम राख्न क्यालोरीको परिमाणमा मात्र ध्यान नदिई शारीरिक क्रियाकलापमा पनि त्यत्तिकै ध्यान पुर्‍याउनुपर्छ । 

मकैले कोलेस्ट्रोल कम गर्ने भएकाले अफिस खाजाका रूपमा मकै पनि खान सकिन्छ ।

 

प्रकाशित :मंसिर ४, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

×