विराटनगरस्थित आरोहण गुरुकुलको सुशीला कोइराला नाटकघरमा ‘छिाडीभरिको आकाश’ नाटक मञ्चन भैरहेको छ । गत मसिंर २८ गतेबाट मञ्चन प्रारम्भ भएको यो नाटक हरेक दिन उल्लेख्य दर्शकले हेरिरहेका छन् । २ सय २५ सिट क्षमताको उक्त नाटक घरमा दर्शकको चाप बढेपछि गुन्द्रिमा दर्शक राखेर नाटक मञ्चन गरिएको आयोजकको भनाई छ । नाटक हेर्नका दैनिक २ सय ६० दर्शक जाने गरेको बताइएको छ । 

वरिष्ठ साहित्यकार परशु प्रधानको कथामा आधारित ‘छिँडीभरिको आकाश’ लाई नाट्य रुपान्तरण तथा निर्देशन कट्वाल दीपकले गरेका हुन् । ग्रामीण र शहरिया जीवनलाई सशक्त रूपमा उठान गरिएको सो नाटकले मानिसलाई सही मार्गमा लाग्न प्रेरित गर्ने भएकाले पनि दर्शकको चाप बढेको आयोजकको भनाई छ । नाटक १४ पुससम्म मञ्चन हुने छ ।

यो नाटकमा गुरुकुलका विद्यार्थीहरुले अभिनय गरेका छन् ।