कलाकार जयनेन्द्र चन्द ठकुरीको निधन भएको छ । लामो समयदेखि मधुमेह र उच्च रक्तचापको समस्यावाट बाट पिडित रहेका चन्दको आईतवार ८० वर्षको उमेरमा ललितपुर एकान्तकुनास्थित आफ्नै निवासमा निधन भएको हो ।

नेपाल चलचित्र कलाकार संघका अध्यक्ष रविन्द्र खड्काका अनुसार उनको आजै पशुपति आर्यघाट विधुतिय शव दाहमा अन्त्याष्टि गरिने तयारी छ ।

फिल्म ‘जीवनरेखा’बाट अभिनय यात्रा सुरु गरेका ठकुरीले दर्जनौँ नेपाली फिल्ममा अभिनय गरेका छन् । ‘विश्वास’, ‘भाग्य रेखा’, ‘फेरि भेटौँला’, ‘मायालु’, ‘युद्ध’ आदि उनी अभिनित फिल्म हुन् । चन्दको श्रीमती र एक छोरी छन् ।