![](http://saptahik-jcss-cdn.ekantipur.com/img/icon/android-chrome-512x512.png)
साप्ताहिक संवाददाता
![श्वेताको कमब्याक श्वेताको कमब्याक](http://saptahik-assets-api.ekantipur.com/thumb.php?src=http://saptahik-assets-cdn.ekantipur.com/uploads/source/news/2017/miscellaneous/sweta-06022017072224.jpg&w=1200&height=800)
दिवंगत अभिनेता श्रीकृष्ण श्रेष्ठसँगको वैवाहिक जीवन क्षणभरमै समाप्त भएपछि शोकमा डुबेकी श्वेतालाई उक्त शोकबाट बाहिर आउन धेरै समय लाग्यो । श्रीकृष्णको शोक मनमा भए पनि उनी आफूलाई विभिन्न कर्ममा व्यस्त बनाएर शोकलाई शक्तिमा परिवर्तन गर्नतर्फ लागिन् । एकसाथ चारवटा व्यवसायमा हात हालेर सफलता पाउँदै गएकी श्वेता केही समययता खुसी देखिन थालेकी छिन् ।
आफूलाई सम्हाल्न सक्षम भएपछि यो वर्षको अन्तिमसम्ममा उनी पुन: चलचित्र निर्माणमा हात हाल्दैछिन् । श्वेता आफैं उक्त चलचित्रकी नायिका हुन्छिन् कि अरू कसैलाई लिन्छिन् भन्ने विषयमा केही नबोलेको बताइए पनि श्वेता खड्काको मनस्थिति भने आफैं नायिका हुने रहेको उनका निकटस्थहरू बताउँछन् ।