साप्ताहिक संवाददाता
- कुमार अविरल
नेपालमा सबैभन्दा बढी चल्ने रक्सीको व्यापार हो । यदि देहव्यापारले मान्यता पायो भने देश तहस-नहस हुन्छ । हरेक मान्छे रक्सी पसल र देहव्यापारमा लाग्नेछन् अनि युवापुस्ता कुलतमा फसी देश खाडलतर्फ जानेछ ।
- समुन्द्र
दिँदा राम्रो, कमसेकम विकृति एवं विसंगतिहरूमा कमी आउँथ्यो कि ?
- वसन्तसिंह ठकुरी
पर्छ, तर विचार पुर्याएर ।
- सरस्वती पन्थी भुसाल
दिनु हुँदैन, देशमा विकृति भित्रिन्छ ।
- गोविन्द पोखरेल
जस्तोसुकै कडा कानुन बनाए पनि केही हुने होइन क्यारे । बरु वैधानिकता दिँदा नै बेस होला ।
- गोविन्द जमकटेल
किन दिने मान्यता ? शतप्रतिशत दिनु हुँदैन । कस्तो मुटु दुख्ने प्रश्न गरेको ?
- उषा भण्डारी
दिनु हुन्छ, तर नेपाली नागरिकका लागि प्रवेश निषेध गर्नुपर्छ, महिला-पुरुष जो भए पनि ।
- शिवराज पुन
कानुनी मान्यता दिने होइन, बरु रोक्नुपर्छ ।
- कुशा पुन
समाजलाई अन्धकारतर्फ लाने हो भने मान्यता दिए हुन्छ ।
- दिपेन्द्र बस्नेत
मान्यता दिनुहुँदैन । यदि दियो भने कानुन नै बलात्कृत हुनेछ ।
- विजय थापा
दिनुपर्छ, किनभने जसलाई मन लाग्छ जान्छन, जसलाई लाग्दैन उनीहरू जाँदैनन् । यसले गर्दा ८० प्रतिशत बलात्कार कम हुन्छ ।
- प्रबिन राई
कानुनी मान्यता नदिए पनि देहव्यापार भैरहेकै छ । त्यसैले राम्रो कानुनको व्यवस्था हुनु आवश्यक छ ।
- अजय चौधरी
पानी र जवानी रोकेर रोकिँदैनन् । मान्यता दिए हुन्छ ।
- धु्रवनारायण लामा
मान्यता दिनु राम्रो कुरा हो, तर नियम, कानुन पालना पनि हुनुपर्यो ।
- दीपेन्द्र लिम्बू
मान्यता नदिए पनि देहव्यापार चलिरहेकै छ । दियो भने सरकार र व्यापारी दुवैलाई फाइदा हुन्छ ।
- जीवन कुमाल
परिवारसँग असन्तुष्ट हुनेहरूले यस्ता कुराको माग राख्छन् । घरमा श्रीमती हुनेहरूले एकपटक आफ्नै श्रीमतीलाई राम्राे नजरले हेरौं न ।
- जगत
वेश्यावृत्तिलाई मान्यता दिनु भनेको बाँदरलाई भर्याङजस्तै हो । विवेकको कमी र हाम्रो देशको कमजोर कानुनले गर्दा आज देहव्यापार फस्टाएर गएको छ । यो बाध्यताको मूल कारण पत्ता लाउन सकिएन भने नेपाल दोस्रो थाइल्यान्ड हुन बेर लाग्दैन ।
- टिराज अधिकारी
वर्तमान परिस्थितिलाई हेर्दा यसलाई कानुनी रूप दिनुपर्छ जस्तो लाग्छ । दिनदिनै आपराधिक घटनाहरू बढ्नुमा यसलाई कानुनी मान्यता नदिनु नै हो ।
- केशव खरेल