म्यानमारकी गायिका नेपालको बुद्धस्थल तिलौराकोट आइपुगिन् (म्यानमारकी चर्चित रक गायिका नेपालमा), तर हामी नेपालीहरूलाई भने नजिकको तीर्थ हेंला । 

महेश लामा   

चोरेर, भ्रष्टाचार गरेर पो कमाउनु भएन (अनुभव : १५ करोड रुपैयाँ) । आफ्नो प्रतिभा र परिश्रमले त अर्बौं कमाउनुस् भन्ने आशीर्वाद दिन्छु दीपकजीलाई ।

मणि नेम्वाङ 

मलाई यही कुरा अचम्म लाग्छ (वर खोज्दै भिसा गर्ल) । आखिर किन सम्बन्धलाई वस्तु बनाएर व्यापार गर्न खोजिन्छ ? किन सम्बन्धलाई सम्पन्नतासँग दाँजिन्छ ?

सियम राई

साप्ताहिकमा प्रकाशित लेख तथा सामग्रीहरू राम्रा छन् । प्रेरणादायक कथाको प्रकाशनमा जोड दिनुहोला ।

विनोद डागी, प्रदेशी कान्छा काले

विगतका कुराले भावुक बनाउँछ (युवा मन : पछाडि फर्केर हेर्दा) । पुराना दिन सम्झँदा केही खुसी मिल्छ, केही मीठा सम्झना पनि आउँछन् । 

राजेन्द्र काफ्ले

हल्लाले मात्र चलचित्र चल्दैन (रेखाको नयाँ घोषणा) । गुणस्तर पनि दिन सक्नुपर्छ । 

ममता अधिकारी

सबैको सोच एउटै हुँदैन (मुक्त आकाश : तँ तिमी तपाईं हजुर) । सबैको सोच, विचार फरक–फरक हुन्छ । 

विकास कोइराला 

यस्ता ठगी धन्दा रोक्न तत्काल कदम चालिहाल्नुपर्छ (डिभी भिसा भर्ने भन्दै ठगी धन्दामा वृद्धि) । नेपालीहरूलाई अनेक नाममा ठग्न पल्किएकाहरूलाई कानुनी दायरामा ल्याउनैपर्छ । 

प्रशान्त सिंह

यो आमनेपालीका लागि खुसीको कुरा हो (एसिया कपमा छनौटको उपलब्धि) । यस्ता उपलब्धि थपिँदै जाऊन् । 

उदय गिरी

३१ वर्षमा २५ युवतीसँग रासलीला (फेरि परिवर्तित भइन् रोनाल्डोकी प्रेमिका) ? रोनाल्डोको जीवन रमाइलो र विवादास्पद रहेछ । 

कमल चौरसिया

फेसबुक फन्डा रमाइलो लाग्यो । यस्तै रोचक सामग्री पढ्न पाइयोस् । 

बालकृष्ण रावत 

फेसबुकमा एउटा जुहारी पढेर धेरैको विचार बुझ्न पाइयो (फेसबुकमा एउटा जुहारी) । यो क्षेत्र नै यस्तै चर्चाको क्षेत्र हो । यहाँ सानो कुरा पनि ठूलो बनिदिन्छ ।

प्रभा भट्ट

नेपालका उत्कृष्ट गन्तव्यहरूका बारेमा पढ्न पाउँदा खुसी लाग्यो (उत्कृष्ट १० गन्तव्य) । नेपालमा घुम्नुपर्ने धेरै ठाउँ छन् । तिनको प्रचार–प्रसार आवश्यक छ । 

दुर्गा लामिछाने