![](http://saptahik-jcss-cdn.ekantipur.com/img/icon/android-chrome-512x512.png)
साप्ताहिक संवाददाता
![नीर शाहलाई सलाम नीर शाहलाई सलाम](http://saptahik-assets-api.ekantipur.com/thumb.php?src=http://saptahik-assets-cdn.ekantipur.com/uploads/source/news/2019/entertainment/Nir-Shaha-19092019015031.jpg&w=1200&height=800)
रेडियो कान्तिपुरको मासिक कार्यक्रम ‘सलाम जिउँदो इतिहासलाई’ को असोज महिनाको श्रृंखलामा गीतकार तथा चलचित्रकर्मी नीर शाहलाई सम्मान गरिने भएको छ । शनिबार पुल्चोकस्थित रेडियो कान्तिपुरको स्टुडियोमा बिहान ८ बजे प्रारम्भ हुने सम्मानसहितको सांगीतिक कार्यक्रममा नीर शाहद्वारा रचना गरिएका गीतहरू प्रस्तुत हुनेछन् ।
रेडियो कान्तिपुरका स्टेसन म्यानेजर दिनेश डिसीका अनुसार कार्यक्रममा नीर शाहद्वारा रचित गीतहरू दीपक खरेल, शैलेश सिंह, समुन श्रेष्ठ, सुवानी मोक्तान, सरिता शाही, सुरज थापा तथा भविन ढुंगानाले प्रस्तुत गर्नेछन् । चलचित्र निर्देशक तथा अभिनेताका रूपमा समेत सक्रिय शाहले कुसुमे रुमाल, प्रेमपिण्ड, नाता रगतको, वसन्ती, बासुदेव जस्ता सफल चलचित्र निर्देशन गरिसकेका छन् ।