न्यूजील्यान्डमा शक्तीशाली ज्वालामुखी, दर्जनौं घाइते तथा सयौं सम्पर्कविहिन

- साप्ताहिक संवाददाता

मंसिर २३, २०७६

न्यूजील्यान्डमा भएको एउटा ज्वालामुखी विस्फोटमा झन्डै २० जना घाइते भएका छन् । अन्य केही सम्पर्कविहिन भएको बिबिसीले जनाएको छ । उद्धारकर्मीहरूका अनुसार घाइतेमध्ये केही गम्भीर अवस्थामा छन् ।

देशको उत्तरपूर्वी भेगको ह्वकारी पनि भनिने ह्वाईट आईल्यान्ड नामक टापुमा ज्वालामुखी विस्फोट भएको हो । घाइतेहरूको शरीर पोलेको छ ।

न्यूजील्यान्डको क्रुज असोसिएशनका अनुसार एउटा पर्यटक बोकेको डुङ्गा पनि प्रभावित भएको छ । उद्धारकार्यका लागि नजिकैको ह्वकाताने नगरमा उद्धारकर्मीहरू परिचालित गरिएको छ ।

विस्फोट भएको समयमा उक्त ह्वाईट आईल्यान्डमा दर्जनौँ मानिसहरू रहेको बताइएको छ ।

सन् २००१ यता त्यहाँ भएको यो पहिलो ज्वालामुखी विस्फोट हो । प्रधानमन्त्री जसिन्डा आर्डर्नले सो घटनालाई निकै ठूलो भनेकी छन् । उद्धार निकायले वरपरको क्षेत्र जोखिमपूर्ण भएको जनाएको छ ।

केहीलाई उद्धार गरेर तटमा ल्याइएको प्रहरीले जनाएको छ । तर अरु केहिलाई ल्याउन बाँकी रहेको र कतिपय सम्पर्कविहिन भएको प्रहरीले जानकारी दिएको छ ।

 

प्रकाशित :मंसिर २३, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

×