गायक सोभित बस्यालले ९ वर्षपछि ‘खुसी फर्काइदेउन’ गीतमार्फत सांगीतिक क्षेत्रमा कमब्याक गरेका छन् । गीतमा सोभितकै शब्द/संगीत छ भने गायनमा उनलाई प्राप्ति तुलाचनले साथ दिएकी छन् । सोभित १५ वर्षको उमेरमा ‘व्यर्थै छ यो जिन्दगी’ गीतमार्फत चर्चामा आएका थिए ।

उनले २०६१ सालमा ‘जति टाढा भए पनि’ र ०६३ मा ‘छुटिने बेला’ बोलको गीत रेकर्ड गरे ।२० वटा म्युजिक भिडियो निर्देशनसमेत गरिसकेका उनले अन्नपूर्ण म्युजिक एवार्डमा वेस्ट म्युजिक भिडियो एवार्ड जितेका थिए ।