‘इन्डियन २’ को छायांकन सेटमा दुर्घटना हुँदा ३ जनाको मृत्यु

- साप्ताहिक संवाददाता

फाल्गुन ९, २०७६

चलचित्र ‘इन्डियन २’को छायांकनको क्रममा क्रेन दुर्घटनामा परेर ३ जनाको मृत्यु भएको छ । उक्त दुर्घटनामा ९ जना घाइते भएका छन् । 

चलचित्रका मुख्य कलाकार कमल हसनले निधन भएका टेक्निसियनको परिवारलाई आर्थिक सहयोग दिने घोषणा गरेका छन् । टाइम्स अफ इण्डियाले जनाएअनुसार हसनले ३ जनाको परिवारलाई १ करोड आर्थिक सहयोग गर्ने घोषणा गरेका हुन् । ‘यो दुर्घटनाले निकै दुःख लागेको छ’ हसनले भनेका छन् । 

यस्तै, अभिनेत्री काजल अग्रवालले यो दुःखको कुनै पनि तरिकाले बर्णन गर्न नसकिने बताएकी छिन् । मृतकका परिवारप्रति आफ्नो पूर्ण सहानुभूती रहेको समेत बताइन् । 

एस शंकरको निर्देशन रहेको दक्षिण भारतीय भाषामा निर्माण भैरहेको इन्डियन २ को छायांकन चेन्नाईमा भैरहेको थियो । 

प्रकाशित :फाल्गुन ९, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

×