साप्ताहिक संवाददाता
भाद्र ५, २०७६कुनै पनि सरकारी वा गैरसरकारी कार्यालयमा काम गर्ने कर्मचारीले यदि भ्रष्टाचार गरेको ठहरिए तिनीहरूको पद स्वतः निलम्बन गर्नुपर्छ अनि भ्रष्टाचार गरेको रकमभन्दा दोब्बर रकम असुलेर आजीवन जेल हाल्नुपर्छ ।
आशिष लिम्बू
कर्मचारीले अफिसको समयमा खल्ती भएको कपडा लगाउन नपाउने नियम बनाउनुपर्छ ।
सन्तोष अर्याल
आफ्ना सन्तानलाई राम्रो र व्यवहरिक शिक्षा प्रदान गर्नुपर्छ्र । राम्रो शिक्षा र असल चरित्रले उचित संस्कार निर्माणमा मद्दत गर्छ ।
केशव विष्ट
सत्तामा पुग्नेले भ्रष्टाचार गरेर बजेटको आधाआधी रकम कमिसन खाने र कानुनदेखि शक्ति डराउनुपर्ने ठाउँमा शक्तिदेखि कानुन डराउनुपर्ने अवस्थाको अन्त्य हुनुपर्छ ।
विनोद सुनार
राजनीति विशुद्ध समाजसेवा हुनुपर्छ । राजनीतिक व्यक्ति र आम जनताले कानुनभन्दा माथि कोही छैन भन्ने सोचेर काम गर्नुपर्छ ।
हेमन्त निरौला
भ्रष्टाचारीहरूलाई उनीहरूले भ्रष्टाचार गरेकोभन्दा दोब्बर–तेब्बर बिगो असुल गरी तिनलाई जेलको चिसो हावा ख्वाउनुपर्छ । यति मात्र गर्न सकियो भने भ्रष्टाचारलाई धेरै हदसम्म न्यूनीकरण गर्न सकिन्छ । यसमा सानो–ठूलो भनेर विभेद गर्नु हुँदैन । सबैलाई उत्तिकै सजाय दिनुपर्छ ।
जेबी गाउँले
चीनको जस्तो कानुन हुनुपर्छ अनि मृत्युदण्ड दिँदा लागेको गोलिलगायतको खर्च उसैको परिवारबाट असुल्नुपर्छ ।
सलिन मगर
भ्रष्टाचारमुक्त देश बनाउन नेपालमा फाँसी वा २०–२५ वर्ष जेल सजायको व्यवस्था गर्नुपर्छ भने भ्रष्टाचार गरेबराबरको बिगो सम्पत्ति जफत गरेर सामाजिक बहिस्कार गर्नुपर्छ ।
दिनेश राई
नेपालमा पनि इमरान खानजस्तै साहसिक अनि भिजनरी मान्छे चाहिएको छ । जनप्रतिनिधिको विलासी जीवन अन्त्य गरेर भ्रष्टाचारीलाई जन्मकैद दिनुपर्छ ।
सिर्जन शर्मा
जम्मा दुईवटा काम गरे पुग्छ । पहिलो, वस्तु तथा सेवाको मूल्यमा सरकारले कडाइका साथ नियन्त्रण गर्ने र अर्को हदैसम्मको कारबाही गर्ने ।
विवेक सुवेदी
भ्रष्टाचार गर्नेलाई कालोमोसो दलेर सहर परिक्रमा गराउनुपर्छ अनि भ्रष्टाचार गरेको रकम सरकारीकरण गरेर भ्रष्टाचारीलाई जन्मकैददेखि इन्काउन्टरसम्मको व्यवस्था गर्नुपर्छ ।
रन्जिता श्रेष्ठ
सबैभन्दा पहिले महामहिम राष्ट्रपतिदेखि प्रधानमन्त्री, सांसद, मन्त्री तथा उच्च पदस्थहरूलाई घूस खानु हुँदैन भनेर तालिम दिनुपर्छ अनि ६–६ महिनामा उनीहरूको सम्पत्ति छानविन गर्नुपर्छ । भ्रष्टचारीहरू धरौटीमा छुट्ने सिस्टम बन्द हुनुपर्छ ।
हरि थापा
एकसिङ्गे गैँडाको खाकजस्तै भ्रष्टाचारीको नाक पनि महँगो मूल्यमा बिक्री हुने व्यवस्था गर्नुपर्छ अनि सबैले खोजीखोजी भ्रष्टाचारीको सिकार गर्छन् । त्यसपछि उनीहरू पनि डाइनोसरजस्तै लोप हुन्छन् ।
अभि तामाङ
प्रत्येक कर्मचारी, कार्यकर्ता, नेता, मन्त्री, प्रधानमन्त्री सबैको सम्पत्ति एक–एक वर्षमा छानबिन हुनुपर्छ । भ्रष्टाचारीलाई सर्वस्वसहित फाँसी दिनुपर्छ ।
शंकर तामाङ
५० वर्ष कटेका नेताजतिलाई अवकाश दिने व्यवस्था गर्नुपर्छ । यदि कसैले भ्रष्टाचार गर्छ भने आजीवन कारावासको सजाय तथा युवा नेताहरूलाई मौका दिने हो भने भ्रष्टाचार कम हुनसक्छ ।
सुमन आरभ
सबैले स्वार्थी बानी छोड्नुपर्छ । नेपाल सरकारले जनताको जीवन स्तर उकास्न गतिलो नीति अपनाउनुपर्छ । यतिले पनि भएन भने भ्रष्टाचारीलाई मृत्युदण्डको सजाय दिनुपर्छ ।
जेनिथ तामाङ
भ्रष्टाचार हटाउन ५० रुपैयाँभन्दा माथिको नोट बन्द गर्नुपर्छ, जसले गर्दा हरेक कारोबार बैंकमार्फत हुने थियो, जसबाट भ्रष्टाचार स्वतः नियन्त्रण हुन्छ ।
गणेश अधिकारी
अर्बौं भ्रष्टाचार गर्ने व्यक्ति लाखौं रुपैयाँ दिएर छुट्छ । खै गतिलो कानुन ? लाख भ्रष्टाचार गर्नेलाई करोडको जरिवाना गराउने कानुन हुनुपर्छ ।
शालिकराम अर्याल
भ्रष्टाचार गरेको प्रमाणित भए मृत्युदण्डको सजाए दिने व्यवस्था गर्न सके धेरै हदसम्म नियन्त्रण हुन्छ ।
दामोदर सेढाई
भ्रष्टहरूलाई मृत्युदण्डको व्यवस्था गर्नु उपयुक्त होला ।
अन्जन गुरुङ
भ्रष्टाचार गरेको ठहरे सार्वजनिक ठाउँमा फाँसीको सजाय हुने गरी कानुन बनाउनुपर्छ ।
विनोद श्रेष्ठ
कालोमोसो दलेर, जुत्ताको माला भिराएर सडक घुमाउँदै जेलमा कोच्नुपर्छ ।
विकास
धेरै होइन, पाँच जना भ्रष्टाचारिलाई चोकमा राखेर गोलि ठोक्नुपर्छ, बाँकी आफै रोकिन्छ ।
रेशम थापा
आफैंभित्र म भ्रष्टाचार पनि गर्दिनँ र भ्रष्टाचार हुन पनि दिन्न भन्ने भावना हुनुपर्छ ।
नवराज आचार्य
सबैभन्दा पहिले देशमा रोजगारीको सिर्जना गर्नुपर्छ । ताकी सरकारी तथा गैरसरकारी निकायमा काम गर्ने व्यक्तिलाई आफ्नो सन्ततिको आर्थिक अवस्थाका सम्बन्धमा कुनै चिन्ता नहोस् । अर्को कर्मचारीलाई जीवन–निर्वाह गर्न पुग्ने तलब तथा सेवा–सुविधाको व्यवस्था हुनुपर्छ ।
नगेन्द्र कुलुङ
प्रतिक्रिया
हाम्रो छनोट
