राप्ती अञ्चलस्तरीय गायन प्रतियोगिता हिरो अफ भ्वाइसको उपाधि लमहीकी १२ वर्षीया प्राची बिडारीले जितेकी छिन् ।

घोराहीमा सम्पन्न अन्तिम प्रतिस्पर्धामा बिडारीले १९ जनालाई पछि पारेकी थिइन् । यो प्रतिस्पर्धामा उर्मिला कुसुन्डा दोस्रो, हीरामणि रोका तथा निरुता बीएम तेस्रो घोषित भए । यसैगरी बिनिता पुरीले विशिष्ट प्रतिभा एवार्ड, सविता श्रेष्ठले अनुशासन एवार्ड तथा उर्मिला कुसुण्डाले पब्लिक च्वाइस एवार्ड प्राप्त गरे ।