मिस नेपालका प्रतिस्पर्धी खोज्न हिडेन ट्रेजरको टिम पूर्वी नेपालको दौडाहमा छ ।  हिडेन ट्रेजरको आयोजनामा हरेक वर्ष सञ्चालन हुँदै आएको मिस नेपालको नयाँ संस्करणका लागि पूर्वको पहिलो अडिसन धरानमा सम्पन्न भएको छ । मिस नेपालमा सहभागी हुन् धरानमा १२ जना युवतीले अडिसन दिएका थिए ।   धरान अडिसनमा मिस नेपालकी अफिसियल कोरियोग्राफर रचना गुरुङ शर्मा तथा सहायक कोरियोग्राफर एवं चलचित्र जेरीकी नायिका अमालिया शर्मा निर्णायक थिए ।    

अडिसन अघि  मिस नेपालकी कोरियोग्राफर गुरुङ, सहायक कोरियोग्राफर शर्मा तथा मिस पूर्वाञ्चल फस्ट रनर्सअप इक्सा मादेन सहितकोटिमले इटहरीको नमुना कलेज र कस्तुरी एकेडेमी तथा धरानको डिपोट कलेज, धरान उच्च एवं धरान सिटी कलेजमा  मिस नेपालमा किन र केका लागि भिड्ने भन्ने विषयमा जानकारी दिँदै यसको महत्वका सम्बन्धमा प्रकाश पारेका थिए । उक्त अवसरमा कलेजमा मिस्टर एन्ड मिस फेसिनो प्रतियोगितासमेत सञ्चालन गरिएको थियो  ।