राहत बाड्न निस्किएका कलाकार कामेश्वर चौरसियालाई प्रहरीले नियन्त्रणमा लिएको केही घन्टा पछि रिहा गरेको छ । हेटौंडाबाट पर्सास्थित सखुवा पर्सौनीमा रहेका लोपन्मुख उराव समुदायलाई राहत वितरण गर्न हिडेका उनीसहित थप चार जनालाई जिल्ला प्रहरी कार्यलय पर्साले राहत बाँड्न नदिई नियन्त्रणमा लिएको थियो । 

परोपकार युवा संजालमार्फत पर्साको दुर्गम स्थानमा रहेको सखुवा पर्सौनीमा रहेका अति नै विपन्न उराव समुदायका १९ परिवारका लागि चामल, दाल, मास्क आदि सामग्रीसहित उनीहरु पुगेका थिए । त्यहाँका स्थानिय प्रहरीले  ‘तपाईहरुले यसरी राहत वितरण गर्न मिल्दैन । यो राहत सामग्रीसहित तपाईहरुलाई जिल्ला प्रहरी कार्यलयमा लाने आदेश छ’ भन्दै यहाँवाट लिएर गएका थिए । 

कलाकार चौरसिया पक्राउको बिषयमा विभिन्न संचार माध्यमले समाचार प्रकाशित गरेपछि उनीहरुलाई कुनै पनि कागज पत्रमा हस्ताक्षर नगराई रिहा गरिएको छ । रिहा पछि चौरसियाको टोली सोही क्षेत्रमा राहत बाँड्न गएका छन् ।    

चौरसिया पक्राउको समाचार