आफ्ना ५० प्रतिस्पर्धीलाई उछिन्दै प्रतिस्ना केसीले मिस लिटिल आइडल-२०१४ को उपाधि चुमेकी छिन्। भक्तपुरको बालकोटस्थित मेरीगोल्ड इङ्लिस बोर्डिङ सेकेन्डरी स्कुलमा कक्षा सातमा अध्ययनरत प्रतिस्नाले उपाधिसँगै २० हजार रुपैयाँ पुरस्कार प्राप्त गरिन्। एक्सन इन्टरटेनमेन्टको आयोजनामा शनिबार राजधानीमा सम्पन्न प्रतियोगितामा मीनभवनस्थित सहारा एकेडेमीमा कक्षा ८ मा अध्ययनरत स्नेहा जर्घामगर तथा नक्सालस्थित मल्पी सिटी स्कुलमा कक्षा ६ मा अध्ययनरत समिरा अधिकारी क्रमश: फस्ट र सेकेन्ड रनर्सअप घोषित भए। प्रतियोगितामा निहा राई मिस पंचुअल, परामिता गुरुङ मिस इनोक्सेन्ट, पुमाट्रेस राई मिस स्माइल, रीतिका डंगोल मिस बेस्ट हेयर, सुजाता गुरुङ मिस फ्रेन्डसिप, क्यारोना कार्की मिस फोटोजेनिक, ऋचा पासवाल मिस पर्सनालिटी, कसिस पण्डित मिस डिस्सिप्लिन तथा कृपा लामा मिस ट्यालेन्ट घोषित भएका थिए। खेमराज गुरुङ, गरिमा ज्ञवालीको गीत, निर्मला मगर, तायामा कलाकेन्द्र, त्रिकाल आर्ट एकेडेमीको नृत्यले उक्त कार्यक्रमलाई रोचक बनाएको थियो।
श्रावण २३, २०७१
काठमाडौं
