नेपाली महिलाहरूले प्रयोग गर्ने कतिपय गहना मौलिक मानिन्छन्। बुलाकी, ढुङ्ग्रीजस्ता गहनाले महिलाहरूलाई आकर्षक देखाउने मात्र होइन, त्यसले नेपालीहरूको मौलिकता पनि दर्साउँछ। शिरबन्दीलाई पनि महत्त्वपूर्ण गहना मानिन्छ। यो गहना राम्रो साइतका लागि लगाइन्छ। बाहुन, क्षेत्री, मगर, गुरुङ, नेवार, राई, लिम्बू आदि जातिका महिलाहरू विशेष अवसरहरूमा शिरबन्दी लगाएर हिंड्छन्। नेपालका ज्वेलर्स हाउसहरूदेखि कस्मेटिक पसलहरूमा समेत बेच्न राखिने शिरबन्दीको विशेष महत्व छ। सुम्निमा कलेक्सन सेन्टरका कपिल राईका अनुसार यो गहना लगाएका महिलाहरूलाई सौभाग्यवती मानिन्छ। सिउँदोबाट लर्के गरी शिरमा लगाइने, सुनको फित्ताजस्तो, तीन लहरा परेको र टुप्पोमा झुप्पा भएको गहना नै शिरबन्दी हो।
श्रावण ३०, २०७१
