१. अनलाइनखबर

यो समाचार साइटको ग्लोबल र्‍यांक ७ हजार ७ सय १७ औं छ भने नेपालमा यो पाँचौ स्थानमा छ । नेपाली साइटहरूको तुलना गर्दा यो साइट पहिलो स्थानमा रहन सफल छ । यो साइट नेपालबाट ५४ प्रतिशतले, दक्षिण कोरियाबाट १८ दशमलव ६ प्रतिशतले, युएसबाट ३ दशमलव २ प्रतिशतले, अस्ट्रेलियाबाट २ दशमलव ३ प्रतिशतले तथा भारतबाट २ दशमलव ३ प्रतिशतले हेर्ने एलेक्साले जनाएको छ ।

२. ई-कान्तिपुर

कान्तिपुर मिडिया ग्रुपको वेबसाइट ई-कान्तिपुर डटकम नेपाली साइटहरूमध्ये दोस्रो स्थानमा छ । ई-कान्तिपुर नेपालमा छैटौं स्थानमा छ भने ग्लोबल र्‍यांकमा ८ हजार ७२ औं स्थानमा छ । एलेक्साका अनुसार यो साइट हेर्नेहरूमध्ये नेपालमा ४० दशमलव ०४ प्रतिशत, दक्षिण कोरियामा २२ दशमलव ८ प्रतिशत, भारतमा ५ दशमलव ७ प्रतिशत, यूएसमा ४ दशमलव ४ प्रतिशत तथा कतारबाट ३ दशमलव १ प्रतिशत छन् ।

३. सेतोपाटी

सूचीको तेस्रो स्थानमा छ अर्काे समाचार साइट सेतोपाटी । यसको ग्लोबल र्‍यांक १३ हजार ८ सय ६९ छ भने नेपालमा ९ औं स्थानमा छ । यो साइट हेर्नेहरूमध्ये नेपालबाट ५४ दशमलव ३ प्रतिशत, दक्षिण कोरियाबाट १३ दशमलव ७ प्रतिशत, युएसबाट ५ दशमलव १ प्रतिशत, फिनल्यान्डबाट ३ दशमलव ६ प्रतिशत, अस्ट्रेलियाबाट ३ दशमलव २ प्रतिशत छन् ।

४. नागरिक

एलेक्साको चौथो स्थानमा छ- नागरिकन्यूज डटकम । यसको ग्लोबल र्‍यांक ११ हजार १ सय ११ छ भने नेपालमा १० औं । नेपालबाट ४७ दशमलव ८ प्रतिशत, दक्षिण कोरियाबाट १७ दशमलव ८ प्रतिशत, अस्ट्रेलियाबाट ४ दशमलव ७ प्रतिशत, युएसबाट ४ दशमलव १ प्रतिशत तथा कतारबाट ३ दशमलव ५ प्रतिशतले यो साइट हेर्ने गरेको एलेक्साले जनाएको छ ।

५. रातोपाटी

समाचार साइट रातोपाटी नेपाली साइटहरूमध्ये पाँचौं स्थानमा छ । यसको ग्लोबल र्‍यांक १४ हजार ८ सय ६ छ भने नेपालमा यसको र्‍यांक १३ छ । नेपालमा ४८ दशमलव १ प्रतिशत, दक्षिण कोरियामा २३ दशमलव १ प्रतिशत, भारतमा ३ दशमलव ४ प्रतिशत, युएईमा ३ दशमलव ४ प्रतिशत तथा युएसमा २ दशमलव ८ प्रतिशतले यो साइट हेर्ने गरेको एलेक्साले जनाएको छ ।

६. अन्नपूर्ण पोस्ट

पछिल्लो समय ह्वात्तै माथि उक्लिएको यो साइट छैटौं स्थानमा छ । यसको ग्लोबल र्‍यांक २५ हजार ४ सय १४ छ भने नेपालमा यो १६ औं स्थानमा छ । यो साइट हेर्नेमध्ये नेपालमा ४४ प्रतिशत, दक्षिण कोरियामा ३५ प्रतिशत, ओमानमा ४ दशमलव १ प्रतिशत, फिनल्यान्डमा २ दशमलव १ प्रतिशत तथा युएसमा २ प्रतिशत भएको एलेक्साले जनाएको छ ।

७. पहिलोपोस्ट

केही महिना अघिदेखि मात्र सञ्चालनमा आएको यो साइट पनि समाचार साइट नै हो । यो साइट पनि ह्वात्तै माथि उक्लिएको छ । यसको ग्लोबल र्‍यांक ३७ हजार १ सय २९ छ । यो साइट नेपालमा १९ औं स्थानमा छ भने नेपाली साइटहरू मध्ये साँतौं स्थानमा। यो साइट हेर्नेमध्ये ६५ दशमलव ६ प्रतिशत नेपालमा, ७ दशमलव ७ प्रतिशत फिनल्यान्डमा, ७ दशमलव ६ प्रतिशत डेनमार्कमा, २ दशमलव ६ प्रतिशत तथा २ दशमलव ३ प्रतिशत अस्ट्रेलियामा छन् ।

८. उज्यालो अनलाइन

उज्यालो नेटवर्कको यो साइट नेपाली साइटहरूमध्ये ८ औं स्थानमा छ । यसको ग्लोबल र्‍यांक ३८ हजार ६ सय ३० छ । यो नेपालमा २० औं स्थानमा छ । यो साइट हेर्ने मध्ये नेपालबाट ६८ प्रतिशत, दक्षिण कोरियाबाट ९ दशमलव ६ प्रतिशत, ओमानबाट ४ दशमलव ६ प्रतिशत, युएइबाट ३ प्रतिशत तथा युएसबाट २ दशमलव ६ प्रतिशत रहेको एलेक्साले जनाएको छ ।

९. हाम्रोबजार

समाचार साइटहरूलाई उछिन्दै ९ औं स्थानमा आएको छ व्यापारिक साइट हाम्रो बजार डटकम । विभिन्न सामग्रीहरू किनबेच गर्ने यो साइटको ग्लोबल र्‍यांक ५२ हजार ६ सय ५ छ । नेपालमा यो साइटको र्‍यांक २१ छ । यो साइट हेर्नेमध्ये ८० प्रतिशत नेपालमा, ३ प्रतिशत युएसमा तथा १दशमलव२ प्रतिशत इजरायलमा छन् ।

१०. विजमाण्डु

आर्थिक समाचार साइट विजमाण्डु दसौं स्थानमा छ । यसको ग्लोबल र्‍यांक ६४ हजार ७ सय ९९ छ । नेपालमा यो साइट २३ औं स्थानमा छ । यो साइट हेर्नेमध्ये नेपालमा ८० प्रतिशत, जापानमा ७ प्रतिशत एवं सिंगापुरमा ७ दशमलव ४ प्रतिशत छन् ।