गायिका ज्योति मगरले यो साता दंगाली दर्शकलाई खुबै नचाइन् । नारायणपुर उद्योग वाणिज्य संघको आयोजनामा नारायणपुरमा सम्पन्न ‘त्रिपुर व्यापारिक, कृषि तथा पर्यटन महोत्सव–२०७२’ मा ज्योतिले विभिन्न गीत र नृत्यमार्फत युवायुवतीहरूलाई उत्साहित बनाइन् ।

स्टेजबाट ओर्लेर दर्शकमाझ पुगेकी ज्योति युवायुवतीहरूसँगै नाचिन पनि । छोटा पहिरन लगाउने गायिकाका रूपमा परिचित ज्योति महोत्सवमा पनि त्यस्तै पहिरनमा उपस्थित थिइन् । उनले आफ्नो स्वरका तथा आफैंले अभिनय गरेका गीतहरू प्रस्तुत गरिन् । महोत्सवमा गायकहरू मिलन लामा, तिलक वली, गायिका सम्झना मगर, कलाकारहरू प्रेम शर्मा, देवकला बस्नेत, रोहन वली, वसन्त चौधरी, समीक्षा पौडेल, शरद समीप, टोपेन्द्र विष्ट आदिले समेत प्रस्तुति दिएका थिए ।