गत शुक्रबार श्रीलंकामा सम्पन्न हेरिटेज प्योजन्टको तेस्रो संस्करणमा नेपालको प्रतिनिधित्व गरेकी आश्रा कुँवरले मिस तर्फ 'पिस एम्बेसडर' तथा सृजना पुनले मिस टिन तर्फ 'टुरिजम एम्बेसडर' को अवार्ड जित्न सफल भएका छन् । 

उक्त प्रतिस्पर्धामा आश्राले 'इन्भारोमेन्टल एम्बेसडर' अवार्डतर्फ सिल्भर मेडल पनि हात पारेकी थिइन् भने सृजना पूनले आफ्नो उमेर समूह अन्तर्गत कल्चरल ड्रेस तथा इन्भाइरोमेन्टल ड्रेस तर्फ क्रमश: सिल्भर तथा ब्रोन्ज मेडल जितेकी छिन् । मिसेस् समूह तर्फ सहभागिता जनाएकी मन्जु बन्जारा ढकालले भने आफ्नो उमेर समूह अन्तर्गतको इन्भारोमेन्ट र टुरिजम ड्रेस तर्फ गोल्ड मेडलमा सफलता हात पारेकी छिन् । 

यसै गरी मन्जुले इन्भाइरोमेन्टल एम्बेसडर तर्फ 'सिल्भर तथा वेष्ट टुरिजम भिडियो' र 'कल्चरल एम्बेसडर तर्फ ब्रोन्ज मेडलमा आफ्नो नाम दर्ता गरिन् । ग्रिन आर्ट मिडियाकी अनिला श्रेष्ठको संयोजनमा नेपाली प्रतियोगीहरुले सहभागिता जनाएका थिए । इभिनिङ गाउन, नेसनल फ्ल्याग ड्रेस र नेसनल कस्ट्युम राउन्ड गरी तीन चरण र अन्तत: प्रश्न उत्तर चरणको मुल्यांकनपछि विजेता चयन गरिएको सो प्रतिस्पर्धा ईप्लानेट प्रा.लि.को आयोजना र नेपालका कोरियोग्राफर रोजिन शाक्यको कोरियोग्राफीमा सम्पन्न भएको थियो । 

ग्राण्ड फिनालेमा ट्रिनिडाड एण्ड टोबागोका जेनिली थोङ 'मिस हेरिटेज', जिम्बेबावेकी हिलारी मकाया 'मिस टिन हेरिटेज' तथा म्यानमारकी जेड पेडल 'मिसेस् हेरिटेज इन्टरनेसनल २०१६' का विजेताका रुपमा चयन भएका थिए । प्रतियोगितामा दक्षिण अफ्रिकाकी रेबेका र रसियाकी युलियाना पोपोभिच मिस समूहबाट क्रमश: फस्र्ट तथा सेकेन्ड रनर अप चयन भएका थिए भने तान्जानियाकी सेसेलेर गडफ्रि र म्यानमारकी एइ थिन्जार म्यो टिन समूहबाट क्रमश: फस्र्ट तथा सेकेन्ड रनर अप घोषित भएका थिए । यसैगरी ट्रिनिडाड एण्ड टोबागोकी क्यारी एन र भारतकी मृनाल गाइक्वाड मिसेस् समूहतर्फ क्रमश: फस्ट तथा सेकेन्ड रनर विजेता घोषित भएका थिए ।