प्रश्न : मेरो विवाह भएको ६ वर्ष भैसकेको छ तर भर्खरै मात्र ओरल सेक्सका बारेमा जानकारी प्राप्त भयो । यसको प्रयोग गर्ने इच्छा भएपछि मैले श्रीमतीसँग खुलेर कुराकानी गरें । त्यसले मलाई नयाँ किसिमको आनन्द प्रदान गर्‍यो । मैले श्रीमतीलाई त्यसमा संलग्न गराएँ । श्रीमती त आजकाल यो विधिमा निकै रमाएकी छिन् भन्दा पनि हुन्छ । अहिले उनी विभिन्न बहाना गरेर आफू मात्र यो सुविधा लिन्छिन्, तर मलाई मुखमैथुनको सुख दिन तयार हुन्नन् । यसको मनोवैज्ञानिक पक्ष के छ ? यो विधिका सकारात्मक तथा नकारात्मक पक्ष के–के हुन् ? 

तपाईंको समस्यामा जानुभन्दा अघि ओरल सेक्सका बारेमा केही जानकारी गराऔं । मानवजीवनमा सेक्सको ठूलो महत्व छ । सेक्सका लागि युवा नै हुन आवश्यक छैन । बूढाबूढीहरू पनि यसबाट भरपूर आनन्दित हुन्छन् । सेक्सबाट आनन्द लिने किसिमका विधि छन् र ओरल सेक्सलाई पनि एउटा महत्वपूर्ण विधिका रूपमा मानिसले प्रयोग गर्दै आएका छन् ।

मानिसले मात्र नभै पशुले पनि यो विधि प्रयोगमा ल्याएर चरम आनन्द लिने गरेको अध्ययनहरूले देखाएका छन् । ओरल सेक्स पश्चिमा देशहरूमा बढी प्रचलित छ । कतिपय देशमा यो गैरकानुनी मानिन्छ । करिब मध्ययुगबाटै यसको सुरुवात भएको मानिए पनि बीसौं शताब्दीतिर पोर्नोग्राफीको विकासका कारण यसले तीव्र रूपमा व्यापकता पाएको छ । 

अहिले ओरल सेक्सलाई यौनआनन्द लिने एउटा तरिका, यौन सम्पर्कअघिको पाक्क्रीडा (फोरप्ले) तथा गर्भाधारण रोक्ने विकल्पका रूपमा प्रयोग गरिँदै आएको छ । अध्ययनहरूले देखाएअनुसार बूढापाका पुरुषहरूले श्रीमतीहरूको तुलनामा बढी ओरल सेक्स गर्ने गरेका छन् । २० देखि २४ वर्षको उमेर समूहमा ५५ प्रतिशत पुरुषले महिलासँग ओरल सेक्स गरेका छन् भने ३० देखि ३९ वर्षका उमेर समूहका ६९ प्रतिशत पुरुषले महिलासँग ओरल सेक्स गरेका छन् । अझ अगाडि बढेर अध्ययनहरूले भनेका छन्, ओरल सेक्सले महिलाहरूलाई डिप्रेसनबाट जोगिनसमेत मद्दत गर्छ । यसले दुवै जनाबीचको सामीप्यता र माया अझ प्रगाढ बनाउँछ । 

यो विधिमा मुखको स्वास्थ्यको अत्यन्तै ख्याल गर्नुपर्ने हुन्छ भने यौनाङ्गको सरसफाइ पनि अन्य विधिमा जत्तिकै महत्वपूर्ण हुन्छ । त्यसैले सेक्सका लागि स्वस्थ एवं तन्दुरुस्त शरीर हुनु जति जरुरी छ, शारीरिक स्वास्थ्य पनि त्यत्तिकै अपरिहार्य छ । विशेषगरी मुख र यौनाङ्गको सरसफाइमा ध्यान पुर्‍याउनुपर्छ ।

अब तपाईंको प्रश्नतर्फ जाउँm । मैले पहिले पनि भनेकी छु, यौनसन्तुष्टि लिन एकतर्फी प्रयास वा एकतर्फी इच्छा तथा चाहना मात्रले हुँदैन ।

यसका लागि रमाइलोसँग दुवै जनाले समान स्तरको आनन्द महसुस गर्न सक्नुपर्छ । दुवै जना समान स्तरको फोरप्लेमा सहभागी हुनुपर्छ । माया, स्नेह, स्याहार, चाकर, फोरप्लेजस्ता गतिविधिमा पूरै नडुब्दासम्म जुनसुकै विधिबाट पनि यौनबाट चाहेअनुरूपको भरपूर आनन्द लिन सम्भव छैन । त्यसैले पहिलो र महत्वपूर्ण पक्ष भनेको तपाईंहरू दुवै जना एक–अर्कामा लीन हुनैपर्छ । दुवै जना एक–अर्काप्रति समर्पित हुनैपर्छ । एकजनाले मात्र आनन्द लिए त्यो स्वार्थीपन हुन्छ । स्वार्थीपन यौन आनन्दको शत्रु हो ।

तपाईंले आफ्नो शारीरिक सरसफाइमा ध्यान नदिएकाले पनि श्रीमतीमा केही असजिलोपन महसुस भएको हुन सक्छ । यो पक्षमा थोरै ध्यान दिए तपाईंको समस्या ठूलो नबन्न सक्छ । अर्को, तथ्यले देखाएअनुसार महिलाहरूले यो सुविधा बढी लिने गरेका छन् । त्यसैले तपाईंले कम सुविधा पाएको र श्रीमतीले बढी सुविधा लिएकोमा गुनासो गर्ने ठाउँ छैन, तर यो विधिलाई श्रीमतीले इन्कार गरेकोमा भने आश्चर्य मान्नुपर्छ र त्यसको कारण पत्ता लगाउनु जरुरी छ । यसमा श्रीमान्–श्रीमतीबीचको कुराकानी, आफ्नो चाहना अभिव्यक्त गर्ने तौरतरिका, आफूलाई लागेको रमाइलो पक्ष आदिका बारेमा खुला दिलले श्रीमतीसँग कुरा गरे यो समस्या त्यति ठूलो हो जस्तो लाग्दैन ।