दीपाश्री निरौलाले निर्देशन गरेको अर्को चलचित्र ‘छक्का पन्जा २’को गीत सार्वजनिक गरिएको छ । ‘ए दाजु नसमाउ नाडीमा’ बोलको गीत सार्वजनिक गरिएको हो । दशैंको छेको पारेर फुलपातीको दिन आगामी असोज ११ गतेबाट यो चलचित्र रिलिज हुने छ । 

सार्वजनिक गीतमा अल्मोडा राना उप्रेती र सुजता बर्माको स्वर छ भने प्रिन्स र अल्मोडाको सङ्गीत रहेको छ ।  प्रिन्स र दीपकराज गिरीको गीतको भिडियोमा चलचित्रका मुख्य कलाकार जीतु नेपाल, केदार घिमिरे, बर्षा राउत, स्वस्तिमा खड्का, स्वरुप पुरुष ढकाललाई देखाईएको छ । चलचित्रमा दीपकराज गिरी, प्रियंका कार्की, शिवहरि पौडेल, बुद्धि तामाङलगायतका कलाकारको मुख्य भूमिका छ ।

कविराज गहतराजको कोरियोग्राफी, रोशन श्रेष्ठको एक्सन, विपिन मल्लको सम्पादन, दीर्घ गुरुङको छायांकन रहेको यो चलचित्रका कार्यकारी निर्माता विकास आचार्य हुन् । गीत रिलिज कार्यक्रममा पूर्व घोषित वचनलाई पूरा गर्दै निर्माण कम्पनी आमा सरस्वती फिल्मस् ले ‘छक्का पन्जा’बाट कमाएको पैसाबाट काभ्रेका स्थानीयका लागि एम्बुलेन्स हस्तान्तरण गरेको छ ।

ए दाजु नसमाउ नाडीमा गीतको भिडियो:–