कार्तिक २१, २०७६प्रतिस्पर्धा, क्यारियरप्रति बढ्दो झुकाव, आरामदायक जीवनशैलीको चाहनासँगै आजभोलि युगल जोडीको रोमान्टिक सम्बन्ध बिस्तारै नीरस हुँदै गएको पाइन्छ । यसले उनीहरूको यौनजीवनलाई पनि उत्तिकै प्रभावित तुल्याउँछ । युगल जोडीको अन्तरंग क्षणहरूमा पर्दै गएको प्रभावको पछाडि प्राइभेट सेक्टरको बढ्दो वर्किङ आवर जिम्मेवार देखिएको छ, जसले व्यक्तिको स्वास्थ्य त प्रभावित भएको छ नै, त्यसको नकारात्मक प्रभाव यौन जीवनमा समेत देखिएको छ । बेलायतमा गरिएको एक सर्वेक्षणअनुसार धेरै लामो समयसम्म काम गर्ने हरेक पाँचमध्ये एक कर्मचारीको यौन जीवन लगभग अन्त भएको पाइयो ।
लामो वर्किङ आवरले निम्न तरिकाबाट युगल जोडीको अन्तरंग जीवनमा प्रभाव पार्छ ।
प्रेमपूर्ण अन्तरंग क्षणका लागि समयको कमी
थकानका कारण यौनप्रति रुचि घट्दै जानु
चरम सन्तुष्टिको अनुभूति नहुनु
शयन कक्ष वा बेडमा रिल्याक्स महसुस नहुनु
इन्टरकोर्सका क्रममा महिलामा ल्युब्रिकेसनको समस्या हुनु
पुरुषको उत्तेजनामा समस्या
तनावका कारण पार्टनरलाई सन्तुष्ट तुल्याउन नसक्नु वा पार्टनरबाट सन्तुष्ट नहुनु
यौन क्रियाका बेला नयाँ प्रयोगका लागि उत्साहित नहुनु
कामेच्छामा कमीका कारण पार्टनरसित दूरी बढ्नु
यतिबेला आफ्नो पर्सनल जीवनलाई सही ट्रयाकमा ल्याउन आफ्नो क्यारियरसित सम्झौता गर्ने सम्भावना कमै हुन्छ तर आफ्नो पर्सनल र प्रोफेसनल लाइफका बीच तालमेल बसाउन प्रयास भने अवश्य गर्न सकिन्छ ।
इमान्दार रहनुपर्छ
पूरा साताको व्यस्त सेड्युलका कारण यदि प्रेमका ती विशेष पलहरूको आनन्द उठाउन समय छैन भने प्रेमपूर्ण स्पर्श र साथ मात्र पनि पार्टनरका लागि पर्याप्त हुनसक्छ । पार्टनरसित आफ्नो मनको कुरा सेयर गर्नुपर्छ । यसबाट उनलाई तपाईं उनको नजिक रहेको आभास हुन्छ । यदि जोडीले एक–अर्कासित कुराकानी नै गरेनन् भने अवश्य पनि उनीहरूबीच दूरी बढ्छ । अत: विकेन्डमा यौन जीवनका लागि समय निकाल्न सक्नु हुन्न भने कम्तीमा पार्टनरसित कुरा गर्ने समय निकाल्नु आवश्यक छ । यसबाट दुवै जनालाई एक–अर्काको व्यस्तता र बाध्यताका सम्बन्धमा जानकारी हुन्छ र एक–अर्काका लागि समय प्राप्त नभएकोमा एक–अर्कासित गुनासो पनि रहँदैन ।
अटेन्सन दिऊँ
सम्बन्धमा न्यानोपन कायम राख्न इमान्दारिता मात्र पर्याप्त हुँदैन । पार्टनरलाई ध्यान दिनु, उसका बारेमा कति ख्याल राखिन्छ भन्ने कुरामा उनलाई महसुस गराउनु पनि जरुरी हुन्छ । यौन जीवनको कमी पूर्ति गर्न पार्टनरलाई अटेन्सन दिनु धेरै हदसम्म जरुरी हुन्छ र यसले सकारात्मक प्रभाव पनि पार्छ ।
आफ्नो भाषामा ध्यान दिऊँ
कैयन् पटक हामी घरमा पनि अफिसमा बोल्ने जस्तो भाषा प्रयोग गर्छौं, जुन सही होइन । अफिसमा आफूभन्दा जुनियरलाई निर्देशन दिएजस्तो भाषा–शैली आफ्नो पार्टनरसितको कुराकानीमा प्रयोग गर्नु गलत हो । यसबाट पार्टनरको भावनामा चोट पर्ने सम्भावना हुन्छ । यदि तपाईं स्वस्थकर रोमान्टिक जीवन चाहनुहुन्छ भने घर पुगेपछि अफिसलाई बिर्सनु नै राम्रो हुन्छ ।
बिदामा अफिसलाई बिर्सनु
यदि तपाईं आफ्नो प्रेममय सम्बन्धमा मिठास र सुमधुरता कायम राख्न चाहनुहुन्छ भने सप्ताहन्त र बिदाका बेला आफ्नो पार्टनरलाई प्राथमिकता दिनु राम्रो हुन्छ । उनलाई मनपर्ने क्रियाकलापमा सहभागी बन्नुहोस् र बढीभन्दा बढी समय उनीसँगै व्यतीत गर्ने प्रयत्न गर्नुहोस् । त्यो एक दिन उनीप्रति नै समर्पित गर्नुहोस् । यसले आपसी सम्बन्धमा प्रगाढता बढाउने कार्य त गर्छ नै, आफ्नै सप्ताहभरिको कामको थकान र तनाव पनि हट्छ । यतिबेला अफिसको काममा ध्यान दिनु ठीक होइन ।
सेक्सलाई बनाऔं स्पेसल
दैनिक रोमान्टिक क्षण व्यतीत गर्न सम्भव नहोला, तर जब–जब पनि समय प्राप्त हुन्छ, त्यसलाई स्पेसल बनाउन अधिकतम प्रयास गर्नुपर्छ । यौन जीवनलाई रोमाञ्चक बनाउन नयाँ प्रयोग गर्ने कुरामा उत्साहित रहनुपर्छ ।
