नेपाली कथानक चलचित्र ‘सेन्टी भाइरस’मा समावेश ‘आफ्नो पार्टी जिताइदे’ बोलको गीत रिलिज भएको छ । सार्वजनिक गीतमा प्रमोद खरेल र विद्या तिवारीको स्वर सुन्न सकिन्छ । हर्क साउदले लेखेको गीतमा संगीत भने सुशान्त गौतमले गरेका छन् । 

राजनीतिक बिषयवस्तुमा तयार भएको यो चलचित्र सार्वजनिक गीतले चलचित्रको भाव बोकेको छ । चलचित्र रामबाबु गुरुङले निर्देशन गरेका हुन् ।

सार्वजनिक भिडियोको निर्देशन भने दीपक आचार्यले गरेका छन् । एलिस राइले कोरियोग्राफी गरेको यो गीतको भिडियोमा चलचित्रका शिर्ष कलाकार विल्सन विक्रम राई, कुञ्जना घिमिरे, सन्दिप क्षेत्री, पुष्प आचार्य, मधुसुदन पाठक, सन्जु शाह, एलिस राईलाई देखाईएको छ । 

चलचित्रमा सिताराम कट्टेल, दयाहाङ राई, वुद्दि तामाङ लगायतका कलाकारले पनि शिर्ष भूमिकामा रहेर अभिनय गरेका छन् । डिन्डु लामाको लगानी रहेको यो चलचित्र फागुन ९ गतेबाट अल नेपाल प्रदर्शनको प्रचारमा छ ।

गीतको भिडियो :