गायक रामकृष्ण ढकालले गाएको ‘माया जदौ’ बोलको गीत करोड क्लबमा प्रवेश गरेको छ । चलचित्र ‘हिजो आजका कुरा’मा समावेश यो गीतमा गायक ढकाललाई गायिका मेलिना राईले गायनमा साथ दिएकी छिन् । 

गायक रामकृष्ण ढकालका थुप्रै गीत लोकप्रिय भएका छन् । गीत/संगीतको मापन युट्युबमा हेर्ने दर्शकको संख्याले निर्धारण गर्ने जमाना अगावै चलचित्रकै लागि उनले गाएका चलचित्र ‘सीमारेखा’ को ‘छिटको गुन्यु’, ‘झझल्को’ को ‘जिन्दगीले यसरि धोका दियोकी’, ‘आशिर्वाद’ को ‘मलाई यो जिन्दगिले कहाँ पुरायो’ र ‘झरनाभै झर्दै’, ‘कहीं मिलन कहीं बिछोड’ को ‘मलाई लुकी छिपी भए पनि माया गर है’ लगायतका दर्जनौँ गीत लोकप्रिय थिए । 

तर, गीत/संगीतको लोकप्रियताको मापक युट्युब बनेपछि भने यो नै गायक ढकालको करोड क्लबमा परेको पहिलो गीत हो । आनन्द अधिकारीले लेखेको उक्त गीतमा दिपक शर्माको संगीत तथा श्यास्वेत रसाइलीको संगीत संयोजन सुन्न सकिन्छ । 

चलचित्र ‘हिजो आजका कुरा’को टिमले बैसाख १२ गतेका लागि रिलिज डेट पक्का गरेको थियो । तर, कोरोना महामारीका कारण भएको लकडाउन पछी रिलिज स्थगित भएको छ । 

गीतको भिडियो :