साप्ताहिक संवाददाता
प्रदर्शनीमा आधुनिक गायन प्रतियोगिता 'प्रदर्शनी आइडल' को चौथो संस्करण पनि दर्शकको आकर्षण बनेको छ भने नृत्य, अभिनय, क्यारिकेचरजस्ता प्रतिभा प्रस्फुटनका लागि पहिलो पटक आयोजित आरसीआई ट्यालेन्ट हन्टले पनि सहभागी दर्शकलाई बेग्लै मनोरञ्जन दिएको छ । राष्ट्रिय स्तरको लोकदोहोरी गीत प्रतियोगिताको घम्साघम्सी, विद्यालयस्तरीय लोक नृत्य प्रतियोगिता, राष्ट्रिय महिला भलिबल प्रतियोगिता, विभिन्न जातजातिका कलासंस्कृति एवं वेशभूषा, परम्परागत परिकार, बालउद्यान आदि दर्शकको आकर्षणको केन्द्र बनेका छन् ।
कृषि पेभेलियनमा ग्रामीण बस्तीको झझल्को दिने गरी पानीघट्टसहितको गाउँको आकृति, बुटवल-लुम्बिनी र बुटवल-नुवाकोट टुर प्याकेज, लुम्बिनी अञ्चलका पर्यटकीय स्थलको फोटो तथा भिडियो प्रदर्शनी पनि प्रदर्शनीमा समावेश गरिएको सांस्कृतिक कार्यक्रम संयोजक राजेन्द्र कार्कीले बताए ।