साप्ताहिक संवाददाता
प्रियंकाको रातो पहिरन
यो वर्ष भारतीय अभिनेत्री प्रियंका चोपडाले एमी एवार्डका अवसरमा रेड कार्पेटमा लगाएको रातो रंगको गाउनले वर्षकै उत्कृष्ट पहिरनका रूपमा चर्चा पायो । चोपडाले लगाएको उक्त रातो गाउन यो वर्षको उत्कृष्ट पहिरन मात्र नभै सेक्सी पहिरन समेत ठहरियो ।
टर्नरको भ्यालिन्टिनो गाउन
ब्रिटिस अभिनेत्री सोफी टर्नरले लगाएको भ्यालिन्टिनो ड्ेरसलाई वर्षकै उत्कृष्ट ओकेजनल पहिरन मानियो । कालो रंगको उक्त स्लिभलेस गाउनलाई ज्वेलरीले फ्रेमवर्क गरिएको थियो ।
क्लार डेन्कोको डाइमन्ड गाउन
हलिउड अभिनेत्री क्लार डेन्कोले एमी एवार्डमा सहभागी हुने क्रममा लगाएको डाइमन्डजडित सुनौलो रंगको गाउनलाई वर्षकै उत्कृष्ट पहिरन मानियो ।
लेखिकाको कालो पहिरन
नाइजेरियाकी चर्चित लेखिका चिम्मन्डा नोजी एडिचले लगाएको पहिरनले यो वर्ष निकै चर्चा कमायो । उक्त कालो रंगको मिडीलाई ड्रेस डिजाइनर स्टेला जिनले डिजाइन गरेकी थिइन् ।
म्याडोनाको फ्लोरल सुट
अमेरिकाकी चर्चित गायिका तथा अभिनेत्री म्याडोनाले एक कार्यक्रममा लगाएको फ्लोरल सुटले पनि यो वर्ष निकै चर्चा पायो । म्याडोनाले लगाएको उक्त पहिरनको तल्लो तथा माथिल्लो खण्ड दुवै उस्तै रंगमा तयार गरिएको थियो ।
जिमी किमेलको थ्रिपिस विथ बो टाई
अमेरिकी टिभी होस्ट जिमी किमेलले एमी एवार्डका क्रममा लगाएको थ्रिपिस विथ बो टाईलाई वर्षकै उत्कृष्ट पुरुष पहिरन मानियो । जिमी फेसन सेन्सका लागि पनि परिचित छन् । उक्त अवसरमा बो टाइका साथ उनले लगाएको कालो रंगको सुटले यो वर्ष निकै चर्चा पायो ।
साम काल्फिन, बेलायत
ब्रिटिस संस्कृति र परम्परा झल्कने कार्डिगन जिन्सलाई पनि यो वर्षको उत्कृष्ट पहिरन मानियो । ब्रिटिस अभिनेता काल्फिनले एउटा कार्यक्रममा लगाएको यो पहिरनले स्मार्ट र रोयल लुक्स दिने उत्कृष्ट पहिरनको रुपमा चर्चा कमायो ।
भिक्टर क्रुजको माइसेन्ट वुल बम्बर
न्युजर्सीका व्यवसायिक फुटबल खेलाडी भिक्टर क्रुजले लगाएको माइ सेन्ट वुल बम्बर ज्याकेटले पनि यो वर्ष निकै चर्चा कमायो ।
जो बाइडेनको पिन स्ट्रिप्ड सुट
अमेरिकाका उपराष्ट्रपति जो बाइडेनले नीलो टाइसहित लगाएको स्ट्रिप्ड सुटलाई यो वर्षकै उत्कृष्ट फर्मल ड्रेस मानियो ।
पउल स्पार्कको कालो सुट
हलिउड अभिनेता पउल स्पार्कले एमी एवार्ड–२०१६ का क्रममा लगाएको कालो सुटले पनि यो वर्ष पर्याप्त चर्चा पायो । उक्त कालो सुट गुणस्तरीय फेब्रिकका कारण मात्र नभै उत्कृष्ट स्टाइलका कारण पनि चर्चामा आएको थियो ।